آج کی تاریخ میں ہر فرد کے لئے اسمارٹ فون کا استعمال بہت آسان اور عام ہوگیا ہے۔

آج کی تاریخ میں اسمارٹ فون کے بغیر کسی کا بھی گزارا ممکن نہیں ہوتا ہے بلکہ یہ کہا جائے کہ سوشل میڈیا کے بغیر زندگی ادھوری ہے۔

لیکن کیا آپ جانتے ہیں کہ آپ اپنے اسمارٹ فون کو استعمال کرتے ہوئے بہت سی ایسی غلطیاں کر بیٹھتے ہیں جن سے آپ کے فون میں آگ لگ سکتی ہے؟

اگر نہیں تو آج کا یہ آرٹیکل آپ کی بہت مدد کرے گا۔

1۔  اگر آپ کا اسمارٹ فون گرنے کی وجہ سے ٹوٹ جائے تو اسے استعمال کرنا فوراً بند کردیں کیونکہ اسمارٹ فون کی باڈی یا ڈسپلے ٹوٹنے کے سبب اس میں پانی داخل ہوسکتا ہے جو کہ بیٹری یا سرکٹ تک پہنچ سکتا ہے۔

2۔  ہمیشہ اسمارٹ فون اسی چارجر سے چارج کریں جو اس کے ساتھ کمپنی کی جانب سے فراہم کیا گیا ہے- انتہائی طاقت ور توانائی کا حامل چارجر بیٹری پر دباؤ بڑھا دیتا ہے۔

3 ۔ اسمارٹ فون کی مرمت کے دوران بیٹری کی تبدیلی کی ضرورت پڑتی ہے- ایسے میں کبھی بھی کوئی غیر معیاری بیٹری گرم ہو کر پھٹ سکتی ہے اور اس کی وجہ سے آگ لگ سکتی ہے۔

4 ۔ اسمارٹ فون غیر معمولی طور پر گرم ہورہا ہو تو اسے استعمال مت کیجیے اور نہ چارجنگ پر لگائیے کیونکہ گرمائش کے دوران اسمارٹ فون کا مستقل استعمال نقصان پہنچا سکتا ہے۔

5 ۔ فون کو چارجنگ پر لگا کر بھول جانا نہ صرف بیٹری کی زندگی کو مختصر کرتا ہے بلکہ خطرناک بھی ہوتا ہے۔