وفاقی وزیر ریلوے شیخ رشید نے کہا ہے کہ ملک کی تاریخ میں پہلی بار فری ٹریک پالیسی بنائی گئی ہے۔

وفاقی وزیر شیخ رشید نے اپنی پریس کانفرنس میں کہا کہ ریلوے ملازمین کی کم تنخوای تھی، ان کی تنخواہ میں اضافہ کیا ہے جبکہ ریلوے پولیس کی بیسک تنخواہ میں 50 فیصد اضافہ کیا گیا ہے اور ہم نے اپنے ٹارگٹ سے کئی گنہ زیادہ ہدف حاصل کیا ہے۔

شیخ رشید نے کہا کہ ہم نئی ٹرینیں چلارہے ہیں جن کی رفتار 160 کلو میٹر ہوگی یہ ٹرین لاہور سے کراچی آٹھ گھنٹے میں پہنچے گی اور ڈھائی گھنٹے میں لاہور اور اسلام آباد کا سفر ہوگا۔

انہوں نے بتایا کہ ابھی ایک سو اٹستیس ٹرینیں چلائی جارہی ہیں کوشش ہے کہ ڈیڑھ سو ٹرینیں چلائے۔

شیخ رشید کا کہنا تھا کہ نجی شعبہ ریلوے ٹریک استعمال کرسکتے ہیں وہ اپنی انجن اور بوگیاں لائیں اور ٹرین چلائیں جبکہ اب تک پانچ فریٹ ٹرینیں نجی شعبے کو ٹھیکے پر دے دی جاچکی ہیںَ

ایم ایل ون منصوبے کے متعلق انہوں نے کہا کہ تئیس اکتوبر کو ایم ایل ون منصوبہ ایکنک میں لائیں گے اور نو ارب ڈالرز کا ایم ایل ون منصوبہ افتتاح کے لئے چین کے وزیراعظم کو دعوت دی جائے گی جبکہ اس منصوبے کے تحت ایک لاکھ افراد کو روزگار دیں گے جسکی درخواستیں پہلے ہی لی جاچکی ہیں۔

دوسری جانب کرپشن کے متعلق شیخ رشید نے کہا کہ کرپشن کے خاتمے کیلئے کوششیں کر رہے ہیں چاہتے ہیں کہ ملک کی اکانومی کا پہیہ چلے۔

اپوزیشن کے متعلق انہوں نے کہا کہ ا بھی تک اپوزیشن نے دھرنے کا اعلان نہیں کیا ہے امید ہے رہبر کمیٹی ذمہ داری کا مظاہرہ کرے گی اور مولانا فضل الرحمن سے بھی درخواست کرتا ہوں۔