سموسہ ایک مشہور پاکستانی ناشتا، سموسہ مخصوص خوش ذائقہ مصالحہ کے ساتھ تلی ہوئی پیسٹری ہے۔

سموسے مصالحہ دار ترکاری یا گوشت کے بنائے جاتے ہیں۔

سموسہ کی ضرورت دس صدی پہلے مشرق وسطٰی میں محسوس کی گئی۔

مشرق وسطی اور وسطی ایشیا کے سلطان کے باورچی نے ہجرت کی تو وہ مسلمان دہلی سلطنت کے خاندانوں کے درمیان جنوبی ایشیاء میں سموسہ متعارف کرا گئے۔

مختلف چیزوں یا پروڈکٹس کی شناخت کے لیے سیریل نمبر نہایت ہی اہم ہوتے ہیں، کیا آپ نے کبھی سوچا ہوگا کہ ان چیزوں کو بھی نمبر لگا کر فروخت کیا جائے گا ؟

جی ہاں ! اب سموسوں پر بھی سیریل نمبرز لگا کر انہیں فروخت کیا جارہا ہے، جس کی تصویر سوشل میڈیا پر خوب وائرل ہورہی ہے۔

https://twitter.com/nitinmisra/status/1433068455100436483

یہ سیریل نمبر والے سموسوں کی تصویر شمالی بھارت کے شہر گڑ گاؤں کے رہائشی نتیش مشرا نے سوشل میڈیا پر لگائی جو کہ تیزی سے وائرل ہوگئی۔

ان کا کہنا ہے کہ انہوں نے سموسے منگوانے کے لئے آرڈر کیا جب سموسے آئے تو ان پر سیریل نمبر لگے ہوئے تھے۔

سماجی رابطے کی ویب سائٹ ٹوئٹر پر کی گئی ایک پوسٹ کو 9 لاکھ سے زیادہ لائیکس اور سیکڑوں ریٹویٹس اور تبصرے موصول ہوئے ہیں۔