میکسیکو کی خاتون باکسر مونٹریال میں مقابلے کے دوران زور دار پنچ لگنے سے زندگی کی بازی ہار گئیں۔

غیر ملکی خبررساں ادارے کی رپورٹ کے مطابق میکسیکن خاتون باکسر جینیٹ زکریا زپاٹا مونٹریال میں مقابلے کے پانچ روز بعد زندگی کی بازی ہارگئیں، باؤٹ کے دوران 18 سالہ باکسر بری طرح زخمی ہوگئی تھیں۔

فائٹ کے پروموٹر یوون مشیل نے ایک بیان میں خاتون باکسر کی انتقال کی تصدیق کی اور کہا کہ ان کے خاندان کے افراد نے بتایا ہے جینیٹ زکریا آج سہ پہر چل بسیں۔

https://twitter.com/NPJBoxeo/status/1432097693711708166?ref_src=twsrc%5Etfw%7Ctwcamp%5Etweetembed%7Ctwterm%5E1432097693711708166%7Ctwgr%5E%7Ctwcon%5Es1_&ref_url=https%3A%2F%2Furdu.arynews.tv%2Fteenage-mexican-boxer-dies-after-brutal-ko%2F

چوتھے راؤنڈ میں زور دار پنچ لگنے کے بعد وہ رنگ میں ہی گر گئی تھیں ،خاتون باکسر کو فوری طبی امداد کے لئے اسپتال منتقل کیا گیا تھا تاہم پانچ روز بعد تک وہ زندگی کی جنگ لڑتی رہیں اور جانبر نہ ہوسکیں۔

میکسیکن باکسر کی موت پر حریف کینیڈین باکسر نے بھی دکھ اور افسوس کا اظہار کیا ہے۔

رپورٹ کے مطابق میکسیکن باکسر نے مونٹریال میں فائٹ کی اجازت حاصل کرنے کے لئے کافی محنت کی تھی کیونکہ وہ میکسیکو میں گزشتہ مئی میں ایک مقابلے میں ناک آؤٹ ہوگئی تھیں۔