نئی نویلی دلہن نے سسرال جاتے ایسا کام کیا کہ دلہے کے ہوش اڑ گئے

عروبہ خان

15th Sep, 2021. 10:39 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

نئی نویلی دلہن نے سسرال جاتے ایسا کام کیا کہ دلہے کے ہوش اڑ گئے

دنیا بھر میں شادیوں کے دوران کوئی نا کوئی ایسا واقعہ ضرور پیش آتا ہے جو اس شادی کو یادگار بناتا ہے کچھ واقعات سوشل میڈیا کے ذریعے سامنے آجاتے ہیں اور کچھ صرف خاندانوں کے درمیان ہی ایک قصے کے طور پر رہ جاتے ہیں۔

ایسے ہی ایک واقعے کے حوالے سے ہم آپ کو آج بتائیں گے جس نے دلہے میاں کے ہوش اڑادیئے ۔

یہ قصہ ہے بھارت کی ریاست ضلع مین پوری کا جہاں نئی نویلی دلہن اپنے دلہے کو چکما دے کر فرار ہونے میں کامیاب ہوگئی ہے ۔

ہوا کچھ یوں کہ شادی سے قبل لڑکی کے گھر والوں نے دولہا راجو کے اہلخانہ کے سامنے شرط رکھی کہ ان کی لڑکی کی شادی راجو سے اسی وقت کی جائے گی جب وہ 80 ہزار روپے ادا کریں گے۔

دولہے کے گھر والے اس شرط پر راضی ہوگئے اور دونوں کی شادی خوب دھوم دھام سے ہوگئی۔

شادی کے روز دولہا کے گھر والوں کی جانب سے بہو کے لیے، کپڑے، زیورات اور دیگر تحائف کا انتظام کیا گیا اور رخصتی کے بعد راجو دلہن کو گھر لے جانے کے لیے بس میں سوار ہوگیا۔

اسی دوران دلہن نے ایک بس اسٹینڈ پر پہنچ کر شوہر سے کہا کہ اسے پیاس لگ رہی ہے ایک پانی کی بوتل لے آئیں۔

راجو پانی لے کر جب بس میں واپس پہنچا تو یہ دیکھ کر دنگ رہ گیا کہ اس کی بیوی سیٹ سے غائب اور تمام تحائف اور زیورات بھی موجود نہیں،متاثرہ دلہے نے دلہن اور اس کے اہلخانہ کے خلاف دھوکہ دہی کا مقدمہ درج کروادیا۔