پاک بحریہ کے سربراہ ایڈمرل ظفر محمود عباسی سے رائل سعودی نیول فورس کے وفد نے ملاقات کی ۔
ترجمان پاک بحریہ کے مطابق رائل سعودی نیول فورس کے ایک وفد نے اپنے ڈپٹی کمانڈر کی سربراہی میں نیول ہیڈ کوارٹر اسلام آباد میں بحریہ کے سربراہ ایڈمرل ظفر محمود عباسی سے ملاقات کی اور باہمی دلچسپی کے امور پر تبادلہ خیال کیا۔
بحریہ کے سربراہ نے وفد کو خطے کے سمندری تحفظ کے حوالے سے پاکستان بحریہ کے کردار کے بارے میں بتایا۔ رائل سعودی نیول فورس کے نائب کمانڈر نے علاقائی امن و سلامتی کیلئے پاک بحریہ کی کوششوں کی تعریف کی۔
اس موقع پر پاک بحریہ کے سربراہ نے خطے کی بحری سیکیورٹی میں پاک بحریہ کے کردار پر روشنی ڈالی اور بحرہند میں پاک بحریہ کے ریجنل میری ٹائم سیکیورٹی پٹرول کے اقدام سے بھی آگاہ کیا۔
ڈپٹی کمانڈر رائل سعودی نیول فورس نے خطے میں امن و استحکام کے قیام کے سلسلے میں پاک بحریہ کے کردار کو سراہا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
