پیپلز پارٹی ملک میں مزدوروں کے حقوق کے تحفظ کیلئے جدوجہد جاری رکھے گی، بلاول بھٹو

اسفا سروت

17th Sep, 2021. 03:12 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پیپلز پارٹی ملک میں مزدوروں کے حقوق کے تحفظ کیلئے جدوجہد جاری رکھے گی، بلاول بھٹو

پاکستان پیپلز پارٹی کے چیئرمین بلاول بھٹو زرداری کا کہنا ہے کہ پیپلز پارٹی ملک میں مزدوروں کے حقوق کے تحفظ کے لئے جدوجہد جاری رکھے گی۔

تفصیلات کے مطابق چیئرمین بلاول بھٹو زرداری نے پارٹی کے سرکردہ مزدرو رہنما شہید عثمان غنی کی برسی پر پیغام دیتے ہوئے کہا کہ شہید عثمان غنی کی جمہوریت اور مزدوروں کے حقوق کے لئے خدمات طویل و شاندار ہیں۔

پی پی پی چیئرمین بلاول بھٹو زرداری نے شہید عثمان غنی کو ان کے 26ویں یومِ شہادت پر خراج عقیدت پیش کیا ہے۔

پیپلز پارٹی کے چیئرمین کا کہنا ہے کہ وہ شہید بھٹو کا بھادر جیالا تھا، جدوجہد کے دوران جان دے دی، لیکن مصلحت کا شکار نہ ہوا، شہید عثمان غنی آج جسمانی طور ہمارے درمیان موجود نہیں، لیکن ان کی راہ اور مشن موجود ہے۔

بلاول بھٹو زرداری نے کہا کہ پیپلز پارٹی ملک میں مظبوط جمہوریت اور مزدوروں کے حقوق کے تحفظ کے لئے جدوجہد جاری رکھے گی۔ پارٹی کارکنان و عہدیدران اپنے شہید ساتھی عثمان غنی کے ایصالِ ثواب کے لئے آج دعا کریں۔

پاکستان پیپلز پارٹی کے چیئرمین بلاول بھٹو زرداری نے مزید کہا کہ شہید عثمان غنی کے اہلخانہ خصوصاً سعید غنی کو کو خراج تحسین پیش کرتا ہوں، جو آج بھی پارٹی کے پلیٹفارم سے عزم و استقلال کے ساتھ سرگرم عمل ہیں۔