پاکستان آنے والی کیوی ٹیم کے کپتان ٹام لیتھم نے کہا ہے کہ پاکستان کا دورہ چھوڑنا اور ایسا اختتام فطری طور پر مایوس کن ہے۔

تفصیلات کے مطاق پاکستان آنے والی کیوی ٹیم کے کپتان ٹام لیتھم کا انٹرویو دیتے ہوئے کہنا تھا کہ مجھے یاد ہے کہ ایک روز پہلے جب میں بابر اعظم کے ساتھ جا رہا تھا تو وہ کس قدر خوش تھے، وہ خوش تھے کہ انٹرنیشنل کرکٹ اور ہم وہاں موجود ہیں ۔

ٹام لیتھم کا کہنا تھا کہ بابر اعظم بہت پرجوش تھے یہ تاریخی لمحہ تھا کہ نیوزی لینڈ ٹیم اٹھارہ برسوں بعد وہاں آئی تھی۔

کیوی ٹیم کے کپتان کا کہنا تھا کہ دورہ ختم ہونے کے بعد ہم 24 گھنٹے پاکستان میں رہے، مگر کسی کا رویہ نہیں بدلہ، جبکہ فیصلے کے بعد بھی پاکستان اتھارٹیز ہمارے لئے بہت اچھی تھیں ہمیں آرام دہ رکھا گیا۔

ٹام لیتھم کا کہنا تھا کہ ہم پاکستان اتھارٹیز کا شکریہ ادا کرتے ہیں۔

ان کا کہنا تھا کہ میں بھی اچھا ہوں اور ٹیم کے کھلاڑی بھی اچھے ہیں۔

کیوی ٹیم کے کپتان کا کہنا تھا کہ یہ پاکستان میں سنے والوں کے لئے مایوس کن ہے جہاں حالیہ برسوں میں اپنے ہوم میچز بہت کم ملے جبکہ پاکستان میں بسنے والوں کے لئے یہ قابل فخر لمحات تھے کہ ان کے ملک کرکٹ واپس آئی تھی۔

ٹام لیتھم کا کہنا تھا کہ ٹیم کا حصہ بننے پر خوش تھا لیکن سب کچھ بدل گیا۔ کیوی ٹیم کے کپتان کا کہنا تھا کہ دورہ ختم کرنے کے اعلان کے بعد چوبیس گھنٹوں ہم پاکستان سے نکلے ، جبکہ چوبیس گھنٹے تھکا دینے والے تھے لیکن سب اچھا رہا۔

ٹام لیتھم کا کہنا تھا کہ ہم سب نے وقت اکٹھے گزارا جو ہمارے لئے اچھا رہا سب کھلاڑی اچھے اسپرٹ میں ہیں اور گھر جانے کے منتظر ہیں ۔

کیوی ٹیم کے کپتان کا کہنا تھا کہ سب حیران تھے کہ کیا ہو رہا ہے اور پھر ہمیں بتایا گیا کہ ہم گھر واپس جا رہے ہیں ۔

کیوی ٹیم کے کپتان ٹام لیتھم کا مززید کہنا تھا کہ نیوزی لینڈ کرکٹ اور پلئیرز ایسوسی ایشن اور ہم سب کے لئے کھلاڑیوں کی حفاظت اولین ترجیح ہے ۔