کچھ  روز قبل ممبئی ہائی کورٹ نے ان کی 50 ہزار روپے کی زر ضمانت کے عوض ضمانت منظور کی تھی جس کے بعد وہ ضمانت پر رہا ہوچکے ہیں۔

اس حوالے سے میڈیا رپورٹس کا کہنا ہے کہ عدالت کو راج کندرا کے وکیل نے بتایا تھا کہ اس کیس میں راج کندرا ملوث نہیں ہیں جس کے بعد  عدالت نے مشاہدہ کیا ہے کہ صرف اس بنیاد پر کہ مزید تفتیش جاری ہے ملزم کو مقدمے کے اختتام تک سلاخوں کے پیچھے نہیں رکھا جاسکتا ہے۔

عدالت نے اپنے تفصیلی فیصلے میں یہ بھی کہا ہے کہ ملزم کے جیل سے باہر ہونے کی صورت میں شواہد کے ساتھ چھیڑ چھاڑ ہونے کا امکان کم ہے۔

عدالت نے راج کندرا کو ضمانت پر رہا کرتے ہوئے کچھ شرائط عائد کی ہیں جو یہ ہیں راج کندرا ثبوتوں کے ساتھ چھیڑ چھاڑ نہیں کریں گے اور اپنے رابطے کے نمبرز کو بھی تبدیل نہیں کریں گے اس کے علاوہ رابطہ نمبریا رہائشی پتے میں تبدیلی کے بارے میں پہلے پولیس کو آگاہ کریں گے۔

عدالتی حکم میں یہ بھی کہا گیا ہے راج کندرا بھارت نہیں چھوڑیں گے اور اگر وہ ایسا چاہتے ہیں تو عدالت سے پیشگی اجازت لینا ہوگی۔

خیال رہے کہ  راج کندرا گزشتہ دوماہ سے فحش فلمیں بنانے اور انہیں موبائل ایپ میں نشر کرنے کے کیس میں پولیس کی حراست میں تھے۔