انسانی جلد پر اکثر دانے نکل آتے ہیں جو کہ الگ الگ نوعیت کے ہوتے ہیں اور یہ انسان کی خوبصورتی کو متاثر کرتے ہیں۔

یہ دانے کسی مخصوص جنس کو نہیں  ہوتے بلکہ یہ مرد اور عورتوں دونوں کو یہ مسئلہ پیش آتا ہے۔

یہ دانے مختلف قسم کے ہوتے جو کبھی جلدی بھی ختم ہوجاتے ہیں اور کبھی یہ داض چہرے پر گہرے داغ چھوڑ جاتے ہیں۔

ایکنی:

یہ ایکنی کی سب سے عام قسم ہے جو سوزشی نوعیت کی ہوتی ہے۔ پمپلز کے نیچ کا حصہ پیپ سے بھرا ہوتا ہے اور جلد سوجی ہوئی لگتی ہے۔

پمپلز کی وجوہات میں خوراک اور ماحول کی الرجی کے علاوہ زہریلے کیڑوں کا کاٹنا، ان مساموں کا بند ہوجانا جن سے جلد کا تیل خارج ہوتا ہے وغیرہ شامل ہیں۔

نوڈیولز:

نوڈیولز میں درد بھی ہوتا ہے کیونکہ ان کی گہرائی زیادہ ہوتی ہے۔

یہ ختم ہونے کے بعد جلد پر داغ اور گہرے نشان چھوڑ دیتے ہیں۔ نوڈیولز جلد پر تب پیدا ہوتے ہیں جب بند مسال جلد کے خلیات کو خراب کرنے لگتے ہیں۔

سسٹ:

پمپلز مذید انفیکشن کے بعد سسٹ کی شکل اختیار کرلیتے ہیں جو ایکنی کی سب سے بری اور شدید قسم ہے۔

یہ کافی تکلیف دہ اور گانٹھوں کی طرح محسوس ہوتے ہیں۔

ان سسٹ کی جڑ بھی پیپ سے بھری ہوتی ہے اس لئے ان کو ختم ہونے میں بہت وقت لگتا ہے۔ سسٹ کافی بڑے اور سرخ ہوتے ہیں۔

پاپولس:

یہ سوزشی ایکنی ہوتی ہے اور مہاسوں کی شکل میں نکلتے ہیں۔

یہ دیکھنے میں سرخ اور ٹھوس ہوتے ہیں لیکن ان مہاسوں کا مرکز بہت گہرا نہیں ہوتا۔ ایسے مہاسے نکلنے کی وجوہات میں جلد کا انفیکشن، ایکزیما، کسی خوراک کا انفیکشن اور ماحولیاتی آلودگی شامل ہوتی ہے

بلیک ہیڈز:

وائٹ ہیڈز کے برعکس بلیک ہیڈز جلد پر دھنسے ہوئے چھوٹے کالے بال سے لے کر کالے دھبوں کی شکل میں نمودار ہوتے ہیں۔

ان کے آس پاس کی جلد نارمل ہوتی ہے لیکن بلیک ہیڈز بہت نمایاں ہوتے ہیں۔