پاکستان پیپلزپارٹی کے چیئرمین بلاول بھٹو زرداری سے چینی سفیر نونگ رونگ کی زرداری ہاؤس میں ملاقات ہوئی ہے۔

چیئرمین بلاول بھٹو زرداری سے ملاقات میں چینی سفیر نونگ رونگ کی طویل اور پائیدار پاک چین دوستی پر بات چیت ہوئی۔

چیئرمین بلاول بھٹو زرداری اور چینی سفیر نونگ رونگ کے درمیان ہونے والی ملاقات میں افغانستان کی صورت حال کے حوالے سے خصوصی تبادلہ خیالکیا گیا جبکہ   اقتصادی راہداری کے حوالے سے بھی گفتگو کی گئی۔

علاوہ ازیں چیئرمین پی پی پی بلاول بھٹو زرداری سے پاکستان میں تعینات برطانوی ہائی کمشنر کرسچن ٹرنر کی زرداری ہاؤس میں ملاقات ہوئی ہے۔

چیئرمین بلاول بھٹو زرداری اور برطانوی ہائی کمشنر کرسچن ٹرنر کے درمیان ہونے والی ملاقات میں دو طرفہ تعلقات کے حوالے سے بات چیت کی گئی جبکہ افغانستان کی بدلتی صورت حال کے حوالے سے خصوصی گفتگو کی گئی۔

ملاقات میں چیئرمین بلاول بھٹو زرداری کو برطانوی ہائی کمشنر کرسچن ٹرنر نے اپنے دورہ سندھ سے متعلق منصوبے سے آگاہ کیا جس پر بلاول بھٹو زرداری نے برطانوی ہائی کمشنر کرسچن ٹرنر کے دورہ سندھ سے متعلق منصوبے کا خیر مقدم کیا۔

دوسری جانب چیئرمین پی پی پی بلاول بھٹو زرداری سے پاکستان میں امریکی ناظم الامور انجیلا ایگلیر کی زرداری ہاؤس میں ملاقات ہوئی  ہے۔

چیئرمین بلاول بھٹو زرداری اور امریکی سفارت کار انجیلا ایگلیر کے درمیان ہونے والی ملاقات میں  دوطرفہ معاملات بالخصوص افغانستان کی صورت حال پر بات چیت کی گئی۔

ملاقات میں چیئرمین بلاول بھٹو زرداری کو امریکی ناظم الامور انجیلا ایگلیر نے سندھ کے دورے سے متعلق اپنے منصوبے سے آگاہ کیا جس پر بلاول بھٹو زرداری نے امریکی سفارت کار انجیلا ایگلیر کے سندھ کے دورے سے متعلق منصوبے کا خیرمقدم کیا۔