اریبہ حبیب کو کس مشہور بھارتی اداکارہ کی فلم کا انتظار ہے؟

کلثوم ہرا

27th Sep, 2021. 07:01 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اریبہ حبیب کو کس مشہور بھارتی اداکارہ کی فلم کا انتظار ہے؟

پاکستان شوبز انڈسٹری کی معروف اداکارہ اریبہ حبیب کو بھارتی اداکارہ اور بگ باس 13 کی کنٹسٹنٹ شہناز گِل کی فلم حوصلہ رکھ کا بےصبری سے انتظار ہے۔

اریبہ حبیب نے فوٹو اینڈ ویڈیو شیئرنگ ایپ انسٹاگرام پر خصوصی اسٹوری شیئر کی جس میں انہوں نے شہناز گِل کی نئی آنے والی فلم حوصلہ رکھ کا پوسٹر شیئر کیا۔

اداکارہ نے اپنی اسٹوری میں فلم کے مرکزی اداکاروں شہناز گِل، سونم باجوہ اور دلجیت کو مینشن کیا۔

اُنہوں نے تمام بھارتی اداکاروں کو مخاطب کرتے ہوئے لکھا کہ وہ اُن کی فلم کے لئے بہت پُرجوش ہیں۔

اداکارہ کی انسٹا اسٹوری دیکھنے کے بعد یہ واضح ہو گیا کہ وہ شہناز گِل کی فلم کا بےصبری سے انتظار کررہی ہیں۔

اس سے قبل فلم حوصلہ رکھ کے پروڈیوسر دلجیت تھنڈ نے بتایا تھا کہ وہ فلم کی شوٹنگ دوبارہ شروع کرنے کے لئے شہناز کے ٹھیک ہونے کا انتظار کر رہے ہیں۔

بھارتی میڈیا کی ایک رپورٹ کے مطابق شہناز گِل کی نئی آنے والی فلم حوصلہ رکھ کی ٹیم کی جانب سے یہ اطلاعات سامنے آئی تھیں کہ اداکارہ رواں ماہ کے آخر میں دوبارہ اپنی فلم کی شوٹنگ کا آغاز کریں گی۔

واضح رہے کہ رواں ماہ 2 ستمبر کو دل کا دورہ پڑنے کی وجہ سے بھارتی اداکار سدھارتھ شکلا دُنیا سے رخصت ہوگئے تھے جس کے بعد سے اُن کی گرل فرینڈ شہناز گِل شدید صدمے میں ہیں۔