اب تمام اسمارٹ فونز کے لیے ایک ہی چارجر استعمال کیوں ہوگا؟

اب تمام اسمارٹ فونز کے لیے ایک ہی چارجر استعمال کیوں ہوگا؟ وجہ ایسی جو سب کو دنگ کردے گی

عروبہ خان

29th Sep, 2021. 03:23 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

اب تمام اسمارٹ فونز کے لیے ایک ہی چارجر استعمال کیوں ہوگا؟ وجہ ایسی جو سب کو دنگ کردے گی

اس دور جدید میں جب سے اینڈرائیڈ اسمارٹ فونز آئے ہیں تب سے ایک ہی نوعیت کا چارجر سب کے لئے استعمال ہوتا تھا تاہم سب کی چارجنگ اسپیڈ الگ الگ ہوتی تھی۔

لیکن وقت گزرنے کے ساتھ ساتھ اب اسمارٹ فونز کے چارجر بھی الگ الگ آنے لگے ہیں جو کہ اس بات کا ثبوت ہے کہ ٹیکنالوجی میں جدت آرہی ہے۔

لیکن اب ایسا نہیں ہوگا کیونکہ اب تمام اسمارٹ فونز کے لیے ایک ہی چارجر استعمال ہوگا جس کی اصل وجہ یہ ہے کہ الگ الگ قسم کے چارجر کے باعث پھیلنے والے اضافی کچرے کو کم کرنا ہے ۔

اس حوالے سے یورپی سائنسدانوں نے اپنی ایک تحقیقاتی رپورٹ میں بتایا ہے کہ ہر سال استعمال شدہ اور خراب چارجنگ کیبلز کی وجہ سے سالانہ 11000 ٹن کچرا پیدا ہوتا ہے۔

اس رپورٹ کی پیش نظر یورپی کمیشن کی جانب سے اپنے قانون میں ترمیم کرتے ہوئے اعلان کیا ہے کہ تمام اسمارٹ فون اور چھوٹے الیکٹرانک آلات بنانے والی کمپنیاں ایک ہی قسم کا چارجر بنائیں گی یعنی صرف اور صرف سی ٹائپ چارجر بنائے جائیں گے۔

کیونکہ اگر صرف ایک ہی چارجر ہوگا تو سب کچھ اسی سے چارج ہو جائے گا، ضرورت ہی نہیں پڑے گی ۔

یورپی کمیشن نے صارفین کو بھی کہا ہے کہ وہ اپنی نئی ڈیوائس خریدیں تو پرانے ہی چارجر کو استعمال کریں۔