نواز شریف کے ذاتی معالج کو نیب کی طرف سے وارننگ لیٹر

عباس حیدر

30th Oct, 2019. 11:32 am
شيئر
- Font size
  - Small
  - Medium
  - Large
- Dark Mode
- Save
- Print
- 0
  Comments

آرٹیکلز

Now Reading:

نواز شریف کے ذاتی معالج کو نیب کی طرف سے وارننگ لیٹر

سابق وزیر اعظم نواز شریف کے ذاتی معالج ڈاکٹرعدنان کو نیب کی طرف سے ادارے کے خلاف منفی پروپیگنڈا کرنے پر وارننگ لیٹر جاری کیا گیا ہےجو کہ منظرعام پربھی آگیا ۔

تفصیلات کے مطا بق نیب لاہور نے 25 اکتوبر کو ڈاکٹر عدنان کو لیٹر ارسال کیا جس میں مختلف حقائق پر توجہ دلائی گئی ،ڈاکٹر عدنان کو مخاطب کرتے ہوئے کہا گیا ہے کہ آپکی جانب سے نیب کو ارسال خط میں کئے گئے دعوے حقائق کے منافی اور محض ہرزہ سرائی کے سوا کچھ نہیں۔

نیب نے ڈاکٹر عدنا ن کو باور کروایا کہ نیب سے آپکو ہمیشہ نواز شریف کے معائنے کی اجازت ملتی رہی جسکا مکمل ریکارڈ بھی دستیاب ہے۔

تفصیلات کے مطا بق ریکارڈ کے مطابق آپ نے 11، 19 اور 21 اکتوبر کو نواز شریف کا جامع معائنہ کیا اور روزانہ کی بنیاد پر دوائیں آپ خود فراہم کرتے رہے ۔آپکو نواز شریف کے خون کے نمونے اور دیگر ٹیسٹ کروانے کی سہولت بھی فراہم رہی ۔

ذرائع کے مطابق لیٹر میں کہا گیا کہ آپ کو معلوم ہے کہ نواز شریف کو گھر سے من پسند کھانا منگوانے کی فراخ دلانہ اجازت بھی دی گئی جوکہ 11 اکتوبر سے 21 اکتوبر تک وہ حاصل کرتے رہے ۔

وا ضح رہے کہ ڈاکٹر عدنان کو پیشہ وارانہ ذمہ داریوں سے منحرف ہونے اور غلط معلومات فراہم کرنے پرنیب کی جا نب سے یہ لیٹر ارسال کیا گیا۔