محکمہ موسمیات نے سمندری طوفان شاہین کے حوالے سے چھٹا الرٹ جاری کر دیا۔ ‏

تفصیلات کے مطابق محکمہ موسمیات کی جانب سے جاری کردہ بیان کے مطابق بحرہ عرب میں سمندری طوفان شاہین مزید شدت اختیار کر چکا یے، شاہین ‏طوفان 15 کلومیٹر فی گھنٹہ کی رفتار سے گزشتہ 6 گھنٹے میں مغرب اور شمال مغرب کی جانب بڑھا ہے۔

محکمہ موسمیات کے مطابق طوفان اس وقت کراچی سے 400 ، اڑماڑہ سے  240اور گوادر سے 250 کلو میٹر کے فاصلے پر ہے جبکہ کراچی، حیدرآباد اور ٹھٹھہ سمیت سندھ کے دیگر اضلاع میں تیز ہوائیں چل سکتی ہین جبکہ کل شام تک وقفے ‏وقفے سے بارش ہوسکتی ہے

محکمہ موسمیات کا کہنا ہے کہ سمندری طوفان کے اثرات سے گوادر، لسبیلہ اور بلوچستان کے دیگر اضلاع میں اب بھی ‏طوفانی اور موسلادھار بارشیں ہوسکتی ہیں، سمندری طوفان بلوچستان کی ساحلی پٹی کے قریب سے گزرتے ہوئے عمان جائے گا۔

محکمہ موسمیات کا یہ بھی کہنا ہے کہ ماہی گیروں کو 3 اکتوبر تک گہرے سمندر میں نہ جانے کی ہدایت دی گئی ہے جبکہ 3 اکتوبر تک سمندر میں طغیانی رہے گی اور معمول سے بلند لہریں ہونگی۔

محکمہ موسمیات کا مزید کہنا ہے کہ سمندری طغیانی کے باعث ماہی گیر کھلے سمندر مین تین اکتوبر تک جانے سے ‏گریز کریں۔