حمزہ شہباز آج 4 روزہ دورے پر جنوبی پنجاب روانہ ہونگے

انوشہ شیخ

02nd Oct, 2021. 09:46 am
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

حمزہ شہباز آج 4 روزہ دورے پر جنوبی پنجاب روانہ ہونگے

اپوزیشن لیڈر پنجاب اسمبلی حمزہ شہباز آج 4 روزہ دورے پر جنوبی پنجاب روانہ ہونگے۔

تفصیلات کے مطابق حمزہ شہباز آج 2 اکتوبر سے 5 اکتوبر تک جنوبی پنجاب کا دورہ کریں گے۔

ذرائع کا کہنا ہے کہ حمزہ شہباز خانیوال میں ایم این اے محمد خان ڈایا، جہانیاں میں ایم این اے افتخار نذیر ، سابق ایم۔این ۔اے شیخ طارق رشید کے بھائی اور سابق ایم۔این۔اے عبدالغفار ڈوگر کے بھتیجے کے انتقال پر اظہار تعزیت کے لیے ان کے گھر جائیں گے۔

اسکے علاوہ حمزہ شہباز اج شام کو ملتان میں ورکرز کنونشن سے خطاب بھی کریں گے اور 3 اکتوبر کو بہاولپور روانہ ہونگے۔

ذرائع کا کہنا ہے کہ حمزہ شہباز ملک اقبال چنڑ کی رہائش گاہ پر ورکر کنونشن سے خطاب بھی کریں گےاور لودھراں میں ممبر قومی اسمبلی عبدالرحمن کانجو کی رہائش گاہ پر عشائیہ میں شریک ہونگے۔

اسکے علاوہ 5 اکتوبر کو حمزہ شہباز ملتان میں میڈیا سے گفتگو کریں گے اور ملتان میں وکلا کے وفد سے بھی ملاقات کریں گے۔

واضح رہے کہ حمزہ شہباز 5 اکتوبر کو مظفر گڑھ سے لاہور روانہ ہونگے اور دورہ جنوبی پنجاب پر رات کا قیام ملتان کے نجی ہوٹل میں کریں گے۔