ابو ظبی ٹی 10 لیگ کی افتتاحی تقریب میں معروف پاکستانی گلوکار عاطف اسلم اپنی آواز کا جادو جگائیں گے۔

تفصیلات کے مطابق ابوظبی ٹی 10 لیگ کا میلہ اگلے ماہ سجنے جارہا ہے جس کی افتتاحی تقریب 14 نومبر کو ہوگی اس رنگارنگ تقریب میں شوبز دنیا سے تعلق رکھنے والے ستارے بڑی تعداد میں شریک ہو کرمیلے کی رونق بڑھائیں گے۔

ابو ظبی ٹی 10 کی رنگارنگ افتتاحی تقریب میں کون سے ستارے شریک ہوں گے منتظمین نے اس کے ناموں کا اعلان کردیا ہے۔

افتتاحی تقریب میں پاکستانی گلوکارعاطف اسلم فن کا جادو جگائیں گے ان کے ساتھ بالی ووڈ سیلبریٹی نورہ فتحی، ساؤتھ انڈین ماڈل پرتھوی نائر اور بنگلہ دیشی اداکار شکیب خان بھی ہوں گے جبکہ پروگرام کی میزبانی انڈین اداکارحسین خواجروالا کے سپرد کی گئی ہے۔

 گلوکارعاطف اسلم نے ابوظبی ٹی10 لیگ میں فارم کرنے پر مسرت کا اظہارکیا ہے ان کا کہنا ہے کہ وہ بہت خوشی محسوس کررہے ہیں کہ انہیں اپنے نئے پرستاروں کے سامنے فن کا مظاہرہ کرنے کا موقع مل رہا ہے اور میں امید کرتا ہوں کہ افتتاحی تقریب کرکٹ پرستاروں کو اپنی جانب متوجہ کرے گی اور انہیں اعلی درجے کی تفریح مہیا کرے گی۔

افتتاحی تقریب زاید کرکٹ اسٹیڈیم میں 14 نومبر ہوگی جس میں شرکا کو موسیقی کے ساتھ رقص کا تڑکا بھی ملےگا۔

افتتاحی تقریب کا دورانیہ تین گھنٹے پر مشتمل ہوگا جس میں شائقین کرکٹ کی بڑی تعداد کو اپنی جانب متوقع کرے گی اور ابوظبی ٹی 10 لیگ کی افتتاحی تقریب کو چارچاند لگائے گی۔

واضح  رہے کہ تقریب کے اگلے روز پہلا ٹاس ہوگا افتتاحی میچ دفاعی چیمپیئن نادرن وارئیر مراٹھا عریبین کے خلاف کھیلے گی۔