اسٹیج آرٹیسٹ سلومی نے کہا ہے کہ عمر کے انتقال کی خبر سن کر بہت افسوس ہوا ہے۔
تفصیلات کے مطابق اسٹیج آرٹیسٹ سلومی نے عمر شریف کے انتقال پر افسوس کا اظہار کرتے ہوئے اپنے بیان میں کہا کہ عمر کے ساتھ بہت اچھا وقت ساتھ گزارا ہے۔
سلومی نے کہا کہ عمر جیسی شخصیت کا غم ہمشہ رہے گا۔
اسٹیج آرٹیسٹ نے کہا کہ ہم عمر کو نہیں بھول سکتے، اس جیسا کوئی نہیں ہے۔
سلومی کا کہنا تھا کہ عمر کے علاج میں بہت تاخیر ہو گئی۔

اسٹیج آرٹیسٹ سلومی کا مزید کہنا تھا کہ عمر کے انتقال کا غم ہمیشہ دل میں رہے گا۔
واضح رہے کہ پاکستان کے مایہ ناز کامیڈین عمر شریف جرمنی میں انتقال کرگئے ہیں۔
عمرشریف کو طبیعت خرابی کے باعث جرمنی منتقل کیا گیا تھا ، عمر شریف عارضہ قلب اور دیگر مختلف بیماریوں میں مبتلا تھے، وہ گزشتہ کئی ہفتوں سے کراچی کے نجی اسپتال میں زیر علاج تھے۔
یاد رہے کہ عمر شریف کو علاج کے لیے امریکی دارالحکومت واشنگٹن پہنچایا گیا تھا، جہاں معروف پاکستانی اداکارہ ریما خان کے شوہر اور ماہر امراض قلب ڈاکٹر طارق شہاب نے ان کے علاج کے لیے جارج واشنگٹن یونیورسٹی اسپتال میں انتظامات کر رکھے تھے۔
فخر پاکستان عمر شریف کی امریکا منتقلی اور اہل خانہ کے ویزوں کے لیے بھی ڈاکٹر طارق شہاب نے ہی تگ و دو کی تھی، عمر شریف کو لینے کے لیے ائیر ایمبولینس پیر کی دوپہر منیلا سے پاکستان پہنچی تھی۔
عمر شریف19 اپریل1955 کو پیدا ہوئے ،عمرشریف نے اپنے کیریئر کا آغاز1974 میں14 سال کی عمر میں اسٹیج اداکاری سے کیا تھا ، عمرشریف کو بہترین اداکار اورڈائریکٹر کا ایوارڈ1992میں دیا گیا تھا،عمرشریف کوبہترین کارکردگی پرتمغہ امتیاز سے بھی نوازا گیا تھا۔