صوبائی وزیر صحت ڈاکٹریاسمین راشد نے کہا ہے کہ تمام ریجنل بلڈ سنٹرزکی صلاحیت کو بڑھایا جارہا ہے۔

تفصیلات کے مطابق صوبائی وزیر صحت ڈاکٹریاسمین راشد کی زیر صدارت محکمہ سپیشلائزڈ ہیلتھ کئیراینڈ میڈیکل ایجوکیشن میں اہم اجلاس ہوا ہے جس میں سپیشل سیکرٹری محمد اجمل بھٹی ، پروفیسر جاوید چوہدری اورانسٹی ٹیوٹ آف بلڈ ٹرانسفیوژن سروسزکے افسران نے شرکت کی ہے۔

         صوبائی وزیر صحت ڈاکٹریاسمین راشد نے اجلاس کے دوران انسٹی  ٹیوٹ آف بلڈ ٹرنفیوژن سروسزکی کارکردگی اور مزید بہتری کیلئے اقدامات کا جائزہ لیا ہے۔

اجلاس میں صوبائی وزیر صحت ڈاکٹریاسمین راشد نے کہا ہے کہ انسٹی ٹیوٹ آف بلڈٹرانسفیوژن سروسز کودقیانوسی نظام سے نکال کرجدید تقاضوں کے مطابق چلائیں گے، انسٹی ٹیوٹ آف بلڈٹرانسفیوژن سروسز کی صلاحیت بڑھانے کا بنیادی مقصد مریضوں کے محفوظ علاج کو یقینی بنانا ہے، انسٹی ٹیوٹ آف بلڈ ٹرانفیوژن سروسز کی صلاحیت بڑھانے کیلئے خالی اسامیوں پر عملہ کی نئی بھرتی کردی گئی ہے۔

اجلاس میں صوبائی وزیر صحت ڈاکٹریاسمین راشد کا کہنا ہے کہ نئے بھرتی ہونے والے ملازمین کی باقاعدہ تیکنیکی بنیادوں پر تربیت کی جائے گی، تمام ریجنل بلڈ سنٹرزکی صلاحیت کو بڑھایاجارہا ہے، ریجنل بلڈسنٹرزلاہور،ملتان،فیصل آباداور بہاول پورمیں قائم ہیں، پنجاب کے تمام ٹیچنگ ہسپتالوں میں بلڈ سپریشن کی سہولت دستیاب ہے، پنجاب کے 27ڈی ایچ کیوزاور134ٹی ایچ کیوزمیں بلڈ بنکس فعال ہیں، بلڈسکریننگ کو آئی سی ٹی سے کلائیاٹیکنالوجی میں منتقل کرنے کیلئے اقدامات کئے جارہے ہیں۔

اجلاس میں صوبائی وزیر صحت ڈاکٹریاسمین راشد نے مزید کہا ہے کہ بلڈ بنکس کی صلاحیت بڑھانے کیلئے محکمہ سپیشلائزڈہیلتھ کئیراینڈ میڈیکل ایجوکیشن اور محکمہ پرائمری اینڈ سیکنڈری ہیلتھ کئیر کے درمیان مضبوط کوارڈنیشن ہونی چاہئے، تمام ضروری اقدامات کرنے کا بنیادی مقصد پنجاب کے سرکاری ہسپتالوں میں خون کی ترسیل کو صاف اور شفاف بناناہے۔