بالی ووڈ اداکار شاہ رخ خان کے بیٹے آریان خان کی منشیات کیس میں گرفتاری اداکار شاہ رخ خان کے لیے بڑی پریشانی بن گئی۔

غیر ملکی خبر رساں ادارے کے مطابق شاہ رخ خان کی فلم ’پٹھان‘ کی شوٹنگ غیر معینہ مدت تک کے لیے روک دی گئی ہے۔

شاہ رخ خان اپنی فلم پٹھان کے لیے 10 اکتوبر سے اسپین میں رومانوی سینز کی شوٹنگ شروع کرنے والے تھے۔

 جبکہ وہیں پر فلم کے کچھ ایکش سینز بھی متوقع تھے۔

علاوہ ازیں شاہ رخ خان تامل فلم ڈائریکٹر اتلی کی آنے والی نئی فلم میں بھی فلم کی شوٹنگ میں بھی مصروف تھے کہ ’پٹھان‘ کی شوٹنگ کے روکنے کے بعد اس کی شوٹنگ بھی روک دی گئی ہے۔

اسی حوالے سے رپورٹس سامنے آئیں ہیں کہ اسپین میں ہونے والی شوٹنگ غیر معینہ مدت تک کے لیے بند کردی گئی ہے۔

تاہم بتایا جارہا ہے کہ یہ شوٹنگ غیر معینہ مدت تک کے لیے بندی کردی گئی ہے۔

منشیات کیس میں گرفتار ہونے والے شاہ رخ خان کے بیٹے آریان خان کی پیشی 7 اکتوبر کو ہے۔

چند روز قبل بھارتی انسداد منشیات ادارے نارکوٹکس کنٹرول بیورو (این سی بی) نے کروز شپ پر ایک پارٹی کے دوران چھاپا مار کر شاہ رخ خان کے بیٹے آریان خان کو حراست میں لیا تھا۔

این سی بی کی جانب سے ان پر منشیات کے استعمال کا الزام عائد کیا گیا تھا جبکہ شاہ رخ خان کے بیٹے نے اس الزام کو مسترد کردیا تھا۔

واضح رہے کہ تفتیش کے دوران آریان خان نے منشیات کے استعمال کا اعتراف کرلیا تھا۔