پاکستان ہاکی فیڈریشن نے جونیئر ہاکی ورلڈ کپ کی تیاری کے لیے 29 کھلاڑیوں پر مشتمل تربیتی کیمپ کا اعلان کر دیا ہے۔
تفصیلات کے مطابق کیمپ کمانڈنٹ و ہیڈ کوچ قومی جونیئر ہاکی ٹیم اولمپین دانش کلیم کی زیر نگرانی تربیتی کیمپ 14 اکتوبر سے عبدالستار ایدھی ہاکی اسٹیڈیم کراچی میں منعقد ہو گا۔
انڈیا کے شہر بھوبنیشور میں 24 نومبر تا 5 دسمبر منعقد ہونے والے جونیئر ہاکی ورلڈ کپ میں شرکت کرنے والی قومی ہاکی ٹیم کی تیاری کے لیے پاکستان ہاکی فیڈریشن کی جانب سے 29 رکنی قومی جونیئر تربیتی ہاکی کیمپ کا اعلان کر دیا گیا ہے۔
پاکستان ہاکی فیڈریشن کے زیر اہتمام عبدالستار ایدھی ہاکی اسٹیڈیم کراچی میں کیمپ کا آغاز 14 اکتوبر کو ہو گا۔
کھلاڑیوں کو ہدایات جاری کی گئی ہیں کہ وہ وقت مقررہ پر ہیڈ کوچ قومی جونیئر ہاکی ٹیم و کیمپ کمانڈنٹ اولمپین دانش کلیم کو رپورٹ کریں گے۔

کھلاڑیوں میں عقیل احمد (ماڑی پیٹرولیم)، عبداللہ اشتیاق (گول کیپر،ماڑی پیٹرولیم)، رومان خان (واپڈا)، محب اللہ (واپڈا)، مرتضی یعقوب (ماڑی پیٹرولیم)، حماد انجم (واپڈا)، حنان شاہد (نیشنل بینک)، شاہ زیب خان (سندھ)، محسن حسن (پنجاب)، سمیع اللہ خان (کسٹمز)، ارباز احمد (ماڑی پیٹرولیم)، رضوان علی (پی اے ایف)، علی عزیز (واپڈا)، عدیل لطیف (سوئی سدرن گیس)، عبدالمنان (سوئی سدرن گیس)، احتشام اسلم (ماڑی پیٹرولیم)، ابوذر (پنجاب)، محسن خان (پی اے ایف)، عامر دانش شاہ (آرمی)، عبدالرحمان (ماڑی پیٹرولیم)، حسن امین (پنجاب)، وقار علی (ماڑی پیٹرولیم)، شاہ زیب خان (پنجاب) اور محمد بلاول (پنجاب) شامل ہیں جبکہ اولمپین دانش کلیم ہیڈ کوچ، کوچ مدثر علی خان(واپڈا)، کوچ ظہیر احمد بابر (سوئی سدرن گیس)، یڈیو انالسٹ سید ابوذر امرا (نیشنل بینک)، ڈاکٹر اسد عباس شاہ (لاہور) کیمپ میں اپنی پیشہ ورانہ ذمہ داریاں سر انجام دیں گے۔
پاکستان ہاکی فیڈریشن کی جانب سے جونیئر ہاکی ورلڈ کپ میں شرکت کے لیے قومی جونیئر ہاکی ٹیم کی تیاری کے لیے لگائے گئے تربیتی کیمپ میں شامل کھلاڑیوں کے متعلقہ محکمہ جات اور صوبہ جات کو مراسلے ارسال کر دیے گئے ہیں کہ وہ ڈیپارٹمنٹل این او سی، چھ ماہ معیاد کا پاسپورٹ، 24 پاسپورٹ سائز فوٹوز اور دیگر متعلقہ کاغذات کھلاڑیوں کے ہمراہ کیمپ میں بھجوائیں۔