شہباز شریف اور حمزہ شہباز کی عبوری ضمانت میں 30 اکتوبر تک توسیع

سعدیہ شمیم

09th Oct, 2021. 01:43 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

شہباز شریف اور حمزہ شہباز کی عبوری ضمانت میں 30 اکتوبر تک توسیع

عدالت نے شہباز شریف اور حمزہ شہباز کی عبوری ضمانت میں 30 اکتوبر تک توسیع کردی ہے۔
تفصیلات کے مطابق لاہور کی بینکنگ جرائم عدالت میں جعلی اکاونٹس کے ذریعے منی لانڈرنگ کیس میں مسلم لیگ نون کے صدر، قومی اسمبلی میں قائدِ حزبِ اختلاف میاں شہباز شریف اور ان کے صاحبزادے پنجاب اسمبلی میں اپوزیشن لیڈر حمزہ شہباز کی عبوری ضمانت پر جج سردار طاہر صابر نے سماعت کی۔
شہباز شریف اور حمزہ شہباز اپنے وکیل امجد پرویز ایڈووکیٹ کے ہمراہ عدالت میں پیش ہوئے۔
ایف آئی اے کے پراسکیوٹر نے عدالت کو بتایا کہ شہباز شریف کو سوالنامہ بھجوایا گیا تھا، کل انہوں نے جواب جمع کرایا ہے، شہباز شریف کے جوابات دیکھ کر تفتیش میں پیش رفت ہو گی۔
بینکنگ کورٹ کے جج نے کہا کہ بہت وقت ہو گیا ہے، عبوری ضمانت کی درخواستیں زیرِ التواء ہیں۔

ایف آئی اے کے پراسکیوٹرنے کہا کہ بینکنگ جرائم عدالت کو سماعت کا اختیار نہیں ہے۔
بینکنگ کورٹ کے جج نے کہا کہ پہلی بار سرکاری وکیل کی طرف سے دائرہ اختیار کا سوال اٹھایا گیا ہے، 30 اکتوبر کو عدالت کے دائرہ اختیار کے اعتراض پر سماعت ہو گی۔
امجد پرویز ایڈووکیٹ نے دورانِ سماعت کہا کہ اس ایف آئی آر میں 8 افراد کی عبوری ضمانتیں اسی عدالت سے منظور ہو چکی ہیں، جہانگیر ترین کیس میں بینکنگ جرائم عدالت نے اپنا دائرہ اختیار استعمال کیا تھا۔
شہباز شریف نے عدالت سے استدعا کی ایف آئی اے نے منی لانڈرنگ الزام کے تحت بے بنیاد مقدمہ درج کیا ہے، منی لانڈرنگ الزامات پر نیب پہلے ہی ریفرنس دائر کر چکا ہے لیکن لانڈرنگ الزامات میں نیب کی ناکامی کے بعد ایف آئی اے نے بے بنیاد تفتیش شروع کر دی ہے،عبوری ضمانت منظور کی جائے۔
بینکنگ کورٹ کے جج نے ایف آئی اے کے وکیل کو ہدایت کی کہ تفتیش پر پیش رفت سے آگاہ کریں۔
جس کے بعد عدالت نے لیگی رہنماؤں شہباز شریف اور حمزہ شہباز کی ضمانتوں میں 30 اکتوبر تک توسیع کر دی۔