کرینہ کپور نے آئی سی سی ٹی 20 ورلڈ کپ 2020 کی ٹرافی کی رونمائی کردی
بالی ووڈ کی نامور اداکارہ کرینہ کپور نے میلبرن میں ہونے والے آئی سی سی ٹی 20 ورلڈ کپ 2020 کی ٹرافی کی رونمائی کردی۔
تفصیلات کے مطابق بالی ووڈ اداکار ہ کرینہ کپور نے میلبرن کرکٹ گراؤنڈ (ایم سی جی) میں جمعہ کو مردوں اور خواتین کے ٹورنامنٹ کے لئے آئی سی سی ورلڈ کپ ٹرافیوں کی نقاب کشائی کی۔
2020 آئی سی سی ویمنز ٹی ٹوئنٹی ورلڈ کپ 21 فروری سے آسٹریلیا میں شروع ہوگا ۔ایونٹ کے افتتاحی میچ میں آسٹریلیا، بھارت کی میزبانی کرےگا۔
آئی سی سی ورلڈ ٹی ٹوئنٹی کے مینز ایونٹ کا آغاز 19 اکتوبر سے بنگلہ دیش اور کوالیفائر گروپ سے کوالیفائی کرنے والی ٹیم کے درمیان میچ سے ہوگا۔
بنگلہ دیش اور تھائی لینڈ کی ویمنز ٹیموں نے کوالیفائنگ ایونٹ کے ذریعے ویمنز ٹی 20 ورلڈ کپ کے لئے کوالیفائی کر لیا ہے۔
دونوں ٹیمیں دس ٹیموں کے ٹورنامنٹ میں آسٹریلیا ، انگلینڈ ، بھارت ، نیوزی لینڈ ، پاکستان ، جنوبی افریقہ ، سری لنکا اور ویسٹ انڈیز کی ٹیموں کے ساتھ شامل ہوں گی۔
بنگلہ دیش کو دفاعی چیمپئن آسٹریلیا ، بھارت، نیوزی لینڈ اور سری لنکا کے ساتھ گروپ اے میں رکھا گیا ہے جبکہ تھائی لینڈ کو انگلینڈ ، جنوبی افریقہ ، ویسٹ انڈیز اور پاکستان کے ساتھ گروپ بی میں رکھا گیا ہے۔
خواتین ٹورنامنٹ کا فائنل 8 مارچ کو میلبرن کرکٹ گراؤنڈ (ایم سی جی) میں کھیلا جائے گا جبکہ مردوں کا فائنل 15 نومبر کو اسی پنڈال میں کھیلا جائے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News