زرتاج گل کی سندھ حکومت سے ریسکیو ادارہ بنانے کی اپیل

وریشہ مسعود

09th Oct, 2021. 08:25 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

زرتاج گل کی سندھ حکومت سے ریسکیو ادارہ بنانے کی اپیل

وزیر مملکت برائے ماحولیات زرتاج گل نے سندھ حکومت سے ریسکیو کا ادارہ بنانے کی اپیل کردی۔

تفصیلات کے مطابق وزیر مملکت برائے ماحولیات زرتاج گل نے لاہور میں ریسکیو 1122 اکیڈمی میں 10ویں نیشنل ریسکیو چیلنج ایمرجنسی سروسز سے خطاب کرتے ہوئے کہا کہ چوہدری پرویز الہٰی نے ریسکیو ادارہ بنا کر اچھا کام کیا ہے۔

زرتاج گل نے کہا کہ تاریخ ان لوگوں کو ہمیشہ یاد رکھتی ہے جو آنے والی نسلوں کا سوچتے ہیں۔

وزیر مملکت برائے ماحولیات زرتاج گل نے مزید کہا کہ ریسکیو 1122 سندھ کے سوا اس وقت ملک بھر میں کام کر رہی ہے، لیکن سندھ حکومت کی جانب سے اب تک ایسا کوئی اقدام نہیں کیا جا رہا۔ میں سندھ حکومت سے اپیل کرتی ہوں کہ وہ بھی ریسکیو کا ادارہ بنائیں۔

واضح رہے اس سے قبل وزیرمملکت زرتاج گل نے اسلام آباد میں تحریک انصاف کی خواتین رہنماؤں کے ہمراہ پریس کانفرنس کرتے ہوئے کہا تھا کہ مذہب نے ہمیں جوآزادی دی اس پر ہمیں فخر ہے۔

‏ زرتاج گل نے کہا تھا کہ ہمارے کلچر کو دنیا بھر میں جانا جاتا ہے، میرےکلچر نے مجھےعزت دی ‏ہے اسلام نے مجھےحیا سکھائی ہے۔

وزیرمملکت زرتاج گل نے کہا تھا کہ پارلیمنٹ میں ‏‏12سے زائد پارلیمانی سیکریٹریز خواتین ہیں، تحریک پاکستان کے بعد پی ٹی آئی نےخواتین کومقام دیا ہے۔

Catch all the Business News, Breaking News Event and Latest News Updates on The BOL News

Download The BOL News App to get the Daily News Update & Live News