غیر قانونی طورپر بھارت کے زیر قبضہ جموں وکشمیر میں بھارتی فوجیوں نے اپنی ریاستی دہشت گردی کی تازہ کارروائیوں میں آج دو کشمیری نوجوانوں کو شہید کردیا۔
کشمیرمیڈیا سروس (کے ایم ایس)کے مطابق فوجیوں نے نوجوانوں کوضلع بانڈی پور کے علاقے شاہ گنڈ اور ضلع اسلام آباد کے علاقے کھاگنڈ میں محاصرے اور تلاشی کی دو الگ الگ کارروائیوں کے دوران شہید کیا جن میں سے ایک کی شناخت امتیاز احمد کے نام سے ہوئی ہے۔
کشمیرمیڈیا سروس کے مطابق فوجیوں نے بانڈی پورہ اور اسلام آباد اضلاع میں تلاشی کارروائیوں کے دوران پانچ نوجوانوں کو گرفتار بھی کیا۔
ذرائع نے بتایا کہ کھاگنڈ میں آپریشن کے دوران بھارتی پولیس کا ایک اہلکار گولیاں لگنے سے زخمی ہوگیا جس کو علاج کے لیے قریبی اسپتال منتقل کیا گیا، آخری اطلاعات آنے تک علاقے میں فوجی آپریشن جاری تھا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
