پی آئی اے کے جہازوں سے 9 ماہ میں پرندے ٹکرانے کے کتنے واقعات ہوئے، رپورٹ جاری

انوشہ شیخ

13th Oct, 2021. 02:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

پی آئی اے کے جہازوں سے 9 ماہ میں پرندے ٹکرانے کے کتنے واقعات ہوئے، رپورٹ جاری

قومی ایئر لائن (پی آئی اے) کے جہازوں سے 9 ماہ میں پرندے ٹکرانے کے واقعات سے متعلق رپورٹ جاری کردی گئی ہے۔

تفصیلات کے مطابق طیاروں سے پرندے ٹکرانے کی وجہ سے قومی ایئرلائن کو لاکھوں ڈالر نقصان کا سامنا کرنا پڑا ہے۔

جاری کردہ رپورٹ میں بتایا گیا ہے کہ جنوری تا ستمبر 9ماہ میں پرندے ٹکرانے کے 60 کے واقعات ہوئے ہیں، علامہ اقبال انٹر نیشنل ایئرپورٹ پر9ماہ کے دوران 21طیاروں سے پرندے ٹکرانے کے واقعات ہوئے ہیں جبکہ اسلام آباد میں13 ،کراچی میں8 ،ملتان میں1، سکھر میں4 ،کوئٹہ میں1، پشاور 6 اور گلگت میں3 واقعات رپورٹ ہوئے ہیں۔

اسکے علاوہ سعودی عرب کے شہر ریاض میں2 اورشارجہ میں بھی ایک پرندے ٹکرانے کا واقعہ پیش آیا ہے۔

ترجمان پی آئی اے کا کہنا ہے کہ طیاروں سے پرندے ٹکرانے کے باعث قومی ایئرلائن کو اضافی اخراجات برداشت کرنا پڑتے ہیں، پرندے ٹکرانے سے جہازوں کے گراؤنڈ سمیت تیکنیکی مسائل سے پروازوں کا شیڈول بھی متاثرہوتا ہے۔

واضح رہے کہ پرندے ٹکرانے سے پی آئی اے کے بوئنگ777، ایئر بس 320 اوراے ٹی آر طیارے متاثر ہوئے ہیں۔