لیسکو ایئر پورٹ روڈ سب ڈویژن میں بجلی چوری کے خلاف کارروائیاں، 25 کنکشنز پکڑے گئے

اریبہ تنویر

13th Oct, 2021. 08:15 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

لیسکو ایئر پورٹ روڈ سب ڈویژن میں بجلی چوری کے خلاف کارروائیاں، 25 کنکشنز پکڑے گئے

لیسکو ایئر پورٹ روڈ سب ڈویژن میں بجلی چوری کے خلاف کارروائیاں ہونے کی وجہ سے 25 کنکشنز پکڑے گئے ہیں۔
تفصیلات کے مطابق لاہور الیکٹرک سپلائی کمپنی (لیسکو) کے چیف ایگزیکٹو چوہدری محمد امین کی ہدایات پر تمام سرکلز میں بجلی چوروں کے خلاف بڑے پیمانے پر سرچ آپریشن کیے جا رہے ہیں۔
ذرائع نے کہا کہ ایس ڈی او ایئر پورٹ نوید شاہنواز نے اپنے اسٹاف کے ہمراہ سب ڈویژن کے زیر انتطام علاقوں میں آپریشن کیا جس دوران کل 100 کنکشنز چیک کیے گئے اور دوران چیکنگ 25 کنکشنز میں مختلف نوعیت کی بے ضابطگیاں سامنے آئیں۔
ایس ڈی او نوید شاہنواز کے مطابق پکڑے جانے والے کنکشنز میں 20 میٹر ڈائریکٹ سپلائی، 01 میٹر ریورس، 01 میٹر ڈیڈسٹاپ، 01 میٹر ڈسپلے اوپن جبکہ 02 مختلف نوعیت کے کیسز تھے۔ تمام بے ضابطہ کنکشن منقطع کر کے 35000 یونٹس ڈٹیکشن بل کی مد میں چارج کیے گئے ہیں۔
ذرائع نے کہا کہ پکڑے جانے والے 21 بجلی چوروں کے خلاف ایف آئی آر کے اندراج کے لیے درخواستیں متعلقہ تھانوں میں جمع کروا دی گئی ہیں۔

ذرائع کا کہنا تھا کہ چیف ایگزیکٹو چوہدری محمد امین کی ہدایت پر لیسکو میں بجلی چوری کے مکمل خاتمے کے لیے ٹاسک فورس اور لیسکو آپریشن اور سرویلنس کی ٹیموں کی جانب سے بجلی چوروں کے خلاف مہم جاری ہے اور اس کے ساتھ ڈیڈ ڈیفالٹرز سے واجب الادا رقومات کی وصولی کا سلسلہ بھی جاری ہے۔