مینار پاکستان گریٹر پارک لاہور میں بدسلوکی کا نشانہ بننے والی خاتون ٹک ٹاکر رائشہ اکرام کا ایک اور بیان سامنے آیا ہے۔

رپورٹس کے مطابق ٹک ٹاکر عائشہ نے اپنے ساتھی ریمبو کے ہمراہ لیک ہونے والی آڈیو کال کے بعد ایک نیا بیان دیا ہے۔

ٹک ٹاکر عائشہ اکرام نے اس آڈیو کلپ کے حوالے سے بتایا ہے کہ ان پر لگائے جانے والے تمام الزامات جھوٹے اور بے بنیاد ہیں ۔

ٹک ٹاکر عائشہ نے بتایا ہے کہ مینار پاکستان پر پیش آنے والا تمام واقعہ ایک مکمل پلان تھا جو کہ ریمبو نے اپنی ٹیم کے ساتھ مل کر بنایا تھا  اور انہیں اب بلیک میل بھی کیا جارہا ہے۔

عائشہ اکرام کے دیئے جانے والے نئے بیان کے مطابق رہمبو ایک بلیک میلر ہے جو ان کو مسلسل بلیک میل کررہا ہے ۔

عائشہ نے مزید بتایا کہ انہیں ملک سے باہر سے دھمکی آمیز کالیں بھی آرہی ہیں جب انہوں نے ہراسانی کے واقعے کے چند دن بعد درج مقدمے میں اپنے ضمنی بیان میں آٹھ مشتبہ افراد کو نامزد کیا تھا۔

عائشہ نے پولیس سے درخواست کی ہے کہ وہ ریمبو اور اس کی ٹیم کے ارکان کے خلاف سخت کارروائی کرے جو انہیں مسلسل بلیک میل کر رہے ہیں۔