قسمت کے ہارے ن لیگی آج بھی امریکیوں سے اقتدار کی بھیگ مانگ رہے ہیں،حلیم عادل شیخ

محمد سلطان

15th Oct, 2021. 07:02 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

قسمت کے ہارے ن لیگی آج بھی امریکیوں سے اقتدار کی بھیگ مانگ رہے ہیں،حلیم عادل شیخ

اپوزیشن لیڈر سندھ اسمبلی حلیم عادل شیخ نے کہا ہے کہ قسمت کے ہارے ن لیگ آج بھی امریکیوں سے اقتدار کی بھیگ مانگ رہے ہیں۔

تفصیلات کے مطابق اپوزیشن لیڈر سندھ اسمبلی حلیم عادل شیخ نے اپنے بیان میں کہا کہ مریم نواز کی امریکی ناظم الامور سے ملاقات پر پٹواریوں میں غلط فہمی کی لہر دوڑ رہی ہے۔

حلیم عادل شیخ کا کہنا تھاکہ کرپٹ ن لیگ ہمیشہ امریکیوں کی حمایت سے اقتدار میں آئی، مریم نواز پہلے اوباما کی اہلیہ سے لیے 70ملین ڈالر کا حساب دیں، مریم اور بابا نے تعلیمی اصلاحات کا فنڈ بھی ایون فیلڈ بنانے میں لگادیا ہے۔

ان کا کہنا تھا کہ غیرملکی امداد سے رائیونڈ محل کے خرچ چلائے گئے، ن لیگ پہلے فیصلہ کرے ان کے کون ہیں، امریکی جانتے ہیں کہ وائی ناٹ والے غلام رائیونڈ محل میں پائے جاتے ہیں۔

اپوزیشن لیڈر سندھ اسمبلی کا کہنا تھا کہ ملکی سلامتی اور عزت کو داؤ پر لگاکر ن لیگ نے ہمیشہ امریکا اور بھارت کو خوش کیا ہے۔

اپوزیشن لیڈر سندھ اسمبلی حلیم عادل شیخ کا مزید کہنا تھا کہ وزیراعظم عمران خان کی پالیسیوں کی وجہ سے آج دنیا بھر کی نظریں پاکستان پر مرکوز ہیں۔