گلوکارہ رابی پیرزادہ کے والد نے سوشل میڈیا پر گر دش کر تی اپنی بیٹی کی خود کشی سے متعلق خبروں کی تردید کردی ہے۔

تفصیلات کے مطا بق رابی پیر زادہ کی سوشل میڈیا پر خودکشی کی خبریں زیر گردش ہیں جس پر گلوکارہ کے والد ہمایوں پیرزادہ نے ان خبروں کی تردید کرتے ہوئے کہا ہے کہ رابی بالکل ٹھیک ہے۔

ذرائع کے مطا بق گلو کارہ رابی پیرزادہ کی سوشل میڈیا پر وائرل ہونے والی نازیبا اور غیر اخلاقی ویڈیوز نے تہلکہ مچادیا تھا اور دیکھتے ہی دیکھتے ٹوئٹر پر بھی ٹاپ ٹرینڈ بن گیا ، جس کے بعد وہ سوشل میڈیا پر شدید تنقید کی زد میں آگئیں۔

وائرل ہونے والی ویڈیوز پر رابی پیرزادہ نے کہا کہ انہوں نے اپنے موبائل فون میں کچھ خرابی آنے کے باعث اسے ٹھیک کرنے کے لیے دیا تھا اور کسی نے ان کے موبائل فون سے ان کی ویڈیوز اورتصاویر چرا کر انہیں سوشل میڈیا پر اپ لوڈ کردیا ۔

ذرائع کے مطا بق رابی پیرزادہ نے اپنی لیک ہونے والی ویڈیوز کے خلاف سائبر کرائم ونگ لاہور میں تحقیقات کی درخواست دائر کی جس پر ایف آئی اے سائبر کرائم ونگ نے گلوکار ہ کی نازیبا تصاویر اور ویڈیوز سوشل میڈیا پر وائرل کیے جانے کے خلاف تحقیقات بھی شروع کردی ہیں۔

اس حوالے سے رابی پیر زادہ کی جانب سے باقاعدہ طور پر تو کوئی رد عمل یا بیان سامنے نہیں آیا تاہم سماجی رابطے کی ویب سائٹ ٹوئٹر پر انہوں نے ایک مختصر پیغام جاری کرتے ہو ئے کہا کہ جوبندہ دنیا میں کسی بندے کی پردہ پوشی کرے گا اللہ عزوجل قیامت کے دن اس کی پردہ پوشی فرمائے گا۔

اداکارہ کی یہ ویڈیوز اور تصاویر کیسے اور کہاں سے لیک ہوئیں اس کی معلومات اب تک سامنے نہیں آسکی۔

واضح رہے کہ رابی پیرزادہ کو اس سے قبل بھی سوشل میڈیا پر اس وقت تنقید کا سامنا کرنا پڑا تھا جب انہوں نے انسٹاگرام پر ایک پوسٹ شئیر کی تھی جس میں خود کش حملہ آور کی جیکٹ پہنی ہوئی تھی اورکیپشن میں بھارتی وزیر اعظم نریندر مودی پر خودکش دھماکے کی خواہش کا اظہار کیا تھا۔

اس تصویر کو شیئر کرتے ہوئے رابی پیرزادہ نے خود کو کشمیر کی بیٹی اور مودی کو ہٹلر مخاطب کیا اور ساتھ ہی ان پر خودکش دھماکے کی خواہش کا اظہار کیا۔تاہم بعد میں اداکارہ نے پوسٹ ڈیلیٹ کردی تھی ۔