پاکسان مسلم لیگ (ن) کے مرکزی رہنما اور رکن قومی اسمبلی راناثنااللہ کا کہنا ہے کہ  عام آدمی کے لیے جینا اس حکومت نے ناممکن بنا دیا ہے۔

تفصیلات کے مطابق میڈیا سے بات چیت کے دوران ان کا کہنا تھا کہ رات میں بجلی کی قیمت بڑھائی اور اب پٹرول کی قیمت بڑھا دی ہے، اتنا بڑا اضافہ پہلے نہ کیا گیا، جو سمری بھیجی گئی تھی حکومت نے اس سے دگنا اضافہ کر دیا ہے۔

ان کا کہنا ہے کہ لوگوں کی قوت خرید ختم ہو رہی ہے ، مہنگائی کو برداشت کرنا لوگوں کے لیے ناممکن ہو گیا ہے۔

راناثنااللہ نے کہا کہ یہ کہتا تھا کہ آئی ایم ایف نہیں جاوں گا ،خود کشی کر لوں گا , شرم کر لیں اور خود کشی کی ناکام کوشش ہی کر لیں۔

ان کا مزید کہنا تھا کہ لوگوں سے استدعا کروں گا کہ باہر نکلیں، لوگوں کو چاہیے کہ سڑکوں پر نکلیں،اب وہ وقت  آگیا ہے کہ لانگ مارچ کی کال دینی چاہیے۔

راناثنااللہ نے کہا کہ عوام لبیک کہیں گے، عوام کا سیلاب اسلام آباد کی طرف بڑھنا چاہیے، شہباز شریف نے کہا ہے کہ اب چارٹر آف اکانومی ہونا چاہیے۔

ان کا یہ بھی کہنا تھا کہ اس کٹھ پتلی کا اسلام آباد سے نکالنا ضروری ہے پاکستان  پیپلزپارٹی متحدہ اپوزیشن میں ہمارے ساتھ ہیں جبکہ مریم نواز پی ڈی ایم میں ساتھ ہیں۔