محکمہ موسمیات کا کہنا ہے اگلے 36 سے 48 گھنٹوں کے دوران ملک کے بالائی علاقوں میں میں کہیں کہیں ہلکی بارش اور بلند پہاڑوں پر ہلکی برفباری کا امکان ہے۔

تفصیلات کے مطابق محکمہ موسمیات کی جانب سے جاری کردہ بیان میں کہا گیا ہے کہ   خلیج بنگال میں بننے والی مون سون ہواؤں کے کم دباؤ کے باعث کم شدت مرطوب ہوائیں اگلے 36 سے 48 گھنٹوں کے دوران ملک کے بالائی علاقوں میں موجود مغربی ہواؤں کے ساتھ ملاپ کریں گی جس کے نتیجے میں اگلے 48 گھنٹوں کے دورانمالاکنڈ، ہزارہ، دیر، چترال، دروش، تورخم، پارہ چنار، شمالی وزیرستان، ایبٹ آباد،سوات، بونیر، کالام، کاغان، ناران، بٹگرام، کوہستان، داسو کے علاقوں میں کہیں کہیں ہلکی بارش اور بلند پہاڑوں پر ہلکی برفباری کا امکان ہے۔

محکمہ موسمیات  کے مطابق  اگلے دو روز کے دوران گلگت بلتستان، سکردو، استور، دیامر، غذر، غانچے سمیت ملک کے انتہائی شمالی علاقوں میں کہیں کہیں ہلکی بارش اور برفباری کا امکان ہےجبکہ مظفرآباد سمیت آزاد جموں و کشمیر کی تمام وادیوں میں کہیں کہیں تیز ہواؤں کے ساتھ بارش اور بلند پہاڑوں پر برفباری کا امکان ہے۔

محکمہ موسمیات  کا مزید کہنا ہے کہ   جنوبی کشمیر کوٹلی، حویلی، پونچھ، راولاکوٹ، باغ، میرپور، بھمبر، چھمب سمیت مختلف علاقوں میں گرج چمک اور تیز ہواؤں کے ساتھ بارش اور ژالہ باری کا امکان ہے جبکہ لاہور، شیخوپورہ، نارووال، شکرگڑھ، سیالکوٹ، ہیڈمرالہ، ڈسکہ، پسرور، حافظ آباد، گوجرانولہ، گجرات، کھاریاں، جہلم کے علاقوں میں کہیں کہیں گرج چمک اور تیز ہواؤں کے ساتھ ایک بارش کے امکانات ہیں۔