لاہور الیکٹرک سپلائی کمپنی(لیسکو)کی جانب سے عید میلاد النبی ﷺ کے موقع پر بجلی کی بلا تعطل فراہمی کو یقینی بنایا جائے گا۔
تفصیلات کے مطابق لیسکو کی جانب سے عید میلادالنبی پر بجلی کی بلا تعطل فراہمی کو یقینی بنانے کے لیے خصوصی اقدامات کیے گئے ہیں تاکہ عید میلادالنبی کے موقع پر لیسکو ریجن کے معزز صارفین کو کسی قسم کی دشواری کا سامنا نہ کرنا پڑے۔
چیف ایگزیکٹو لیسکو چوہدری محمد امین کی خصوصی ہدایات کی روشنی میں لیسکو کے سرکلز اور سب ڈویژنز میں بھی تمام افسران اور عملے کو الرٹ کر دیا گیا ہے۔
عید میلادالنبی کے موقع پر موسم کی خرابی کی صورت میں تمام سپرٹینڈنگ انجینئرز، ایکسئینز اور ایس ڈی اوز کو اپنے اپنے دفاتر میں رہنے کے احکامات جاری کیے گئے ہیں جبکہ لائن سپر وائزرز اور لائن اسٹاف بھی ڈیوٹی پر حاضر رہیں گے۔
پی ڈی کی ہنگامی ٹیموں کو پی ڈی جی ایس سی کے لاہور کے دفاتر جبکہ پی ڈی کنسٹرکشن کی ٹیموں کو پی ڈی آفس لاہور میں موجود رہنے کی ہدایات جاری کر دی گئی ہیں، اس کے ساتھ ساتھ اسٹور اسٹاف کو بھی حاضر رہنے کے آرڈرز جاری کیے گئے ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
