نیشنل الیکٹرک پاورریگولیٹری اتھارٹی (نیپرا) نےفی یونٹ بجلی کی قیمت میں 2روپے37پیسےاضافہ کردیا۔

تفصیلات کے مطابق نیپراکی جانب سے بجلی کی فی یونٹ قیمت میں اضافہ ستمبر کی فیول ایڈجسٹمنٹ کی مدمیں کیاگیاہے۔

نیپرا کی جانب سےبجلی کی قیمتوں میں اضافہ تمام تقسیم کارکمپنیوں کے صارفین کےلئےکیاگیاہے۔

نیپرا کی جانب سے کہاگیا کہ بجلی کی قیمتوں میں اضافےکااطلاق کے الیکڑک، زرعی صارفین پر نہیں ہوگا،بجلی کی قیمتوں میں اضافہ سے صارفین پر33ارب روپےکابوجھ پڑےگا۔

نیپراکی جانب سےکہاگیاہےکہ اضافہ نومبرکےبجلی کے بلوں میں صارفین سے وصول کیا جائیگا، بجلی کی قیمت میں 2روپے 37پیسے فی یونٹ اضافہ ستمبر میں استعمال ہونیوالے فیول پرائس ایڈجسٹمنٹ کی مد میں کیا۔

نیپرا نےبتایاکہ سینٹرل پاور پرچیزنگ کمپنی (سی پی پی اے) نے بجلی مہنگے فیول سے بنائی جس کی وجہ سے اضافہ کرنا پڑا۔

یاد رہے کہ گزشتہ ماہ سینٹرل پاور پرچیزنگ کمپنی کی جانب سے نیشنل الیکٹرک پاورریگولیٹری اتھارٹی (نیپرا) کوفی یونٹ بجلی 2 روپے 97 پیسے مہنگی کرنے کی درخواست دی گئی تھی۔

سی سی پی اے کی جانب سے بجلی مہنگی کرنےکی درخواست ستمبرکی فیول پرائس ایڈجسٹمنٹ کی مد میں دی گئی ۔

 سی سی پی اے کی درخواست میں مؤقف اختیارکیاگیاکہ ستمبرمیں 13 ارب 62 کروڑیونٹ بجلی پیدا کی گئی جس کی وجہ سے بجلی پیداوار پرلاگت 70ارب روپےسےزائد رہی ۔

واضح رہے کہ گزشتہ ماہ 8 اکتوبرکونیپرا نے جولائی کے مہینے کے لیے فیول ایڈجسٹمنٹ چارجز کی مد میں بجلی کی فی یونٹ قیمت میں ایک روپیہ 78 پیسے اضافہ کیا تھا۔ بجلی کی قیمتوں میں مزیداضافے سے عوام پر مہنگائی کا بوجھ مزید بڑھ جائے گا۔