وفاقی وزیر منصوبہ بندی اسد عمر کا کہنا ہے کہ الحمد للہ آج ملک میں ویکسینیشن کی تعداد 10 کروڑ سے تجاوز کر گئی ہے۔

تفصیلات کے مطابق وفاقی وزیر منصوبہ بندی اسد عمر نے سماجی رابطے کی ویب سائٹ ٹوئٹر پر اپنے ایک پیغام میں بتایا کہ یہ ویکسین 6 کروڑ 80 لاکھ لوگوں نے لگوائی، جن میں سے 3 کروڑ 80 لاکھ سے زائد کی مکمل ویکسینیشن ہو چکی ہے اور 3 کروڑ نے ایک ڈوز لگوائی ہے۔

الحمد للہ آج ملک میں ویکسینیشن کی تعداد 10 کروڑ سے تجاوز کر گئی ہے. یہ ویکسین 6 کروڑ 80 لاکھ لوگوں نے لگوائی، جن میں سے 3 کروڑ 80 لاکھ سے زائد کی مکمل ویکسینیشن ہو چکی ہے اور 3 کروڑ نے ایک ڈوز لگوائی ہے. انتہائی ضروری ہے کے جو لوگ ایک ڈوز لگوا چکے ہیں وہ دوسری ڈوز بھی لگوائیں

— Asad Umar (@Asad_Umar) October 23, 2021

وفاقی وزیر منصوبہ بندی اسد عمر نے اپنے ٹوئٹر پیغام میں مزید لکھا کہ انتہائی ضروری ہے کی جو لوگ ایک ڈوز لگوا چکے ہیں وہ دوسری ڈوز بھی لگوائیں۔

اس سے قبل وفاقی وزیر منصوبہ بندی اسد عمر نے پاکستانی سفارت خانے میں پریس کانفرنس کرتے ہوئے کہا کہ پچھلے سال ترقیاتی اخراجات 100 فیصد ہوئے، پچھلے سال ترقیاتی بجٹ 600 ارب روپے تھا، اخراجات زیادہ ہوئے۔

وفاقی وزیر کا کہنا تھا کہ پچھلے 2 سے 3 ماہ میں 200 ارب روپے کے پروجیکٹس کی منظوری دی، سرمایہ کاری کے لیے تیزی سے کام کر رہے ہیں، پاکستان میں چلنے والی نجی شعبے کی کمپنیوں سے متعلق بھی بات چیت ہوئی ہے۔