بلوچستان میں دہشت گردوں کے خفیہ ٹھکانے پر سیکیورٹی فورسز کا آپریشن، 6 دہشت گرد ہلاک

تنویر علی

23rd Oct, 2021. 09:57 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

بلوچستان میں دہشت گردوں کے خفیہ ٹھکانے پر سیکیورٹی فورسز کا آپریشن، 6 دہشت گرد ہلاک

بلوچستان میں دہشت گردوں کے خفیہ ٹھکانے پر سیکیورٹی فورسز نے آپریشن کرکے 6 دہشت گردوں کو ہلاک کردیا۔

پاک فوج کے شعبہ تعلقات عامہ (آئی ایس پی آر) کی جانب سے جاری کردہ اعلامیہ کے مطابق آپریشن دہشت گردوں کی موجودگی کی مصدقہ خفیہ اطلاعات پر کیا گیا ہے، سیکیورٹی فورسز کے پہنچتے ہی دہشت گردوں نے اندھا دھند فائرنگ کے ساتھ ٹھکانے سے فرار ہونے کوشش کی۔

آئی ایس پی آر کے مطابق سیکیورٹی فورسز اور دہشت گردوں کے درمیان دیر تک شدید فائرنگ ہوئی، آپریشن کے دوران چھ دہشت گرد ہلاک ہوئے، جس میں بی ایل اے کمانڈر طارق عرف ناصر بھی ہلاک ہوگیا۔ بیرونی حمایت سے یہ دہشت گرد گروپ بلوچستان کے امن کے خلاف کام کر رہا تھا۔

ترجمان پاک فوج نے بتایا کہ خفیہ ٹھکانے سے بڑی تعداد میں اسلحہ و ایمونیشن بھی برآمد کیا گیا ہے۔

آئی ایس پی آر کا کہنا ہے کہ پاکستان میں دہشت گردی کی کارروائیوں کے ذمہ داروں کے خلاف ایسے آپریشن جاری رہیں گے جبکہ بلوچستان کے عوام کی سماجی ترقی و خوشحالی کا سخت محنت سے حاصل کردہ موقع سبوتاژ کرنے کی ہرگز اجازت نہیں دی جائے گی۔