آپ سبھی نے بچپن سے ہی بہت ساری باتیں ایسی سنی ہوں گی جن کا حقیقت سے کوئی تعلق نہیں، تاہم وہ برسوں سے بغیر کسی تحقیق سے من و عن تسلیم کرلی گئی ہیں، ایسے ہی 10 حقائق یہاں پیش کیے جارہے ہیں جن کے بارے میں آپ کو لگتا ہے کہ وہ سچ ہیں لیکن نہیں ہیں۔
چینی بچوں کو ہائپر کرتی ہے
یہ بات غلط ہے، تحقیق کے مطابق بچے اپنے بچپن کی وجہ سے ہائپر ایکٹیو ہو سکتے ہیں یہاں تک کہ جب وہ چینی کا استعمال نہ کریں۔
انسان اور ڈاینوسار
کچھ لوگوں کا خیال ہے کہ انسان اور ڈائنوسار ایک ساتھ رہتے تھے تاہم ایسا نہیں ہے کیونکہ ڈائنوسار 64 ملین سال پہلے زمیں موجود تھے۔
کھانے کے بعد تیراکی سے گریز
کہا جاتا ہے کہ کھانے کے بعد جب پیٹ بھرا ہو تو ایسی صورت میں تیراکی سے گریز کریں کیونکہ اس طرح آپ کو سانس پھولنے کا احساس ہوسکتا ہے، تاہم کھانا کھانے کے بعد اور تیراکی کرنا اس خطرے کو نہیں بڑھاتا۔
کیلے درختوں پر اگتے ہیں
لوگوں کا خیال ہے کہ کیلے درختوں پر اگتے ہیں، لیکن وہ درحقیقت بڑے بڑے پودوں پر اگتے ہیں جو درختوں سے مشابہت رکھتے ہیں۔
چیونگم اگر نگل لی جائے تو جسم اسے 7 سال میں ہضم کرتا ہے
حقیقت یہ ہے کہ چیونگم کو سات سال نہیں لگتے کیونکہ چیوئی بیس ہضم نہیں ہوتی اور آپ کے جسم سے باہر خارج ہوجاتی ہے تاہم اس کے باقی اجزاء جذب ہو جاتے ہیں۔
شیو کرنے سے بال موٹے آتے ہیں
شیو کرنے سے بال گھنے، موٹے یا سیاہ نہیں ہوتے۔بلکہ ایسا اس لیے ہوتا ہے کہ شیو کرنے کے بعد بال کی نوکیں شارپ ہوجاتی ہیں
دودھ بلغم کو بڑھاتا ہے
کیا آپ نے سنا ہے کہ دودھ بلغم کی پیداوار کو بڑھاتا ہے؟ ایسا نہیں ہے، لہذا اگر آپ بیمار ہیں تو بلا کسی خوف کے دودھ کو غذا میں شامل کریں۔
گولڈ فش کی یاداشت 3 سیکنڈ تک رہتی ہے
اگرچہ بہت سے لوگ اس غلط فہمی میں مبتلا ہیں کہ گولڈ فش کی یاداشت محض 3 سیکنڈ تک رہتی ہے، لیکن حقیقت میں اس مچھلی کی یادداشت 3 ماہ کی ہوتی ہے۔
پاستا پکاتے وقت تیل شامل کرنا اسے چپکنے سے بجاتا ہے
تیل پاستا یا اسپیگیٹی کو برتن پر چپکنے سے تو روک سکتا ہے تاہم اسے آپس میں چپکنے سے نہیں بچاتا بلکہ اسپیگیٹی کو ابالتے وقت چمچ چلانے سے یہ چپکنے سے محفوظ رہتی ہیں۔
دیر سے کھانا میٹابولزم کو سست کرتا ہے
اس بات میں کوئی صداقت نہیں ہے۔ آپ کا جسم رات میں بھی اسی طرح کام کرتا ہے۔ تحقیق سے یہ ثابت ہوچکی ہے میٹابولزم کی رفتار دوران نیند بڑھ جاتی ہے ۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News