پاکستان مسلم لیگ (ن) خیبرپختونخوا کے صدر  امیر مقام  نے کہا ہے کہ پٹرولیم مصنوعات کی قیمتوں میں اضافے کے اثرات عوام پر پڑتے ہیں۔

تفصیلات کے مطابق پاکستان مسلم لیگ (ن) خیبرپختونخوا کے صدر  امیر مقام   نےمسلم ڈاکٹر فورم کی حلف برداری تقریب سے خطاب  کرتے ہوئے کہا کہ ڈاکٹرز کمیونٹی کی خدمت قابل ستائش ہیں، کرونا،ڈینگی اور قدرتی آفات میں ڈاکٹرز کی خدمت ناقابل فراموش ہیں ۔

ان کا کہنا تھا کہ حکومت کے خلاف باتیں کرنا وقت کا ضیاع ہے ، موجودہ حکومت سمجھ بوجھ سے عاری ہے، نالائق ترین حکومت اس سے قبل نہیں دیکھی ہے۔

 امیر مقام کا کہنا تھا کہ عوام مشکل میں ہے اور حکومت پیٹرولیم مصنوعات،آٹے اور چینی کی قیمتوں میں اضافہ کر رہی ہے، حکومت وینٹیلیٹر پر پڑی ہے۔

ان کا کہنا تھا کہ وزیراعظم عمران خان نے ایک ہی تقریر پکڑی ہوئی ہے۔

ان کا کہنا تھا کہ حکومت کو قیمتوں میں اضافے کا  پتہ ٹی وی سے چلتا ہے، حکومت کو عوام کی مشکلات کا احساس نہیں  ہے، ہر شعبے میں ہیرا پھیری ہورہی ہے ۔

پاکستان مسلم لیگ (ن) خیبرپختونخوا کے صدر کا کہنا تھا کہ ہم پر کوئی کرپشن ثابت نہیں ہوئی ہے، لندن کی عدالتیں بھی کرپشن ثابت نہ کرسکیں، ہم پر جھوٹے مقدمات بنائے گئے ہیں۔

ان کا کہنا تھا کہ موجودہ حکومت نے ظلم کے ریکارڈ توڑ ڈالے ہیں  عوام کا خون چوسا ہے ، موجودہ حکومت نے لوٹ مار کا بازار گرم رکھا ہے۔

پاکستان مسلم لیگ (ن) خیبرپختونخوا کے صدر  امیر مقام   کا مزید کہنا تھا کہ عوام سمجھ  چکی ہے، عوام کو اس مہنگائی سے نجات دلائیں گے۔