محکمہ موسمیات نے آئندہ 24 گھنٹوں کے دوران لاہور سمیت پنجاب کے دیگر شہروں میں بارش کی پیش گوئی کردی ہے ۔

محکمہ مو سمیات کے مطابق ہفتے کی رات ہونیوالی بارش نے گرمی کو رخصت ہونے پر مجبور کر دیا اور موسم سرد ہوگیا ہے۔

محکمہ موسمیات کے مطابق آئندہ 24 گھنٹوں کے دوران لاہور میں مزید بارش کے امکانات ہیں جبکہ نومبر کے پہلے ہفتے میں بھی شمال مغربی ہواؤں کیساتھ بارش برسانے والا سسٹم پنجاب میں داخل ہوگا۔

نومبر میں دھند اور سموگ کے معاملات شہریوں کیلئے پریشانی پیدا کر سکتے ہیں، حالیہ بارش کے بعد درجہ حرارت میں واضح کمی ہوگئی ہے جبکہ موسم خوشگوار ہونے کیساتھ ساتھ فضائی آلودگی میں بھی کمی دیکھی گئی ہے۔

آئندہ چوبیس گھنٹوں کے دوران  ملک کے بیشتر علا قوں میں موسم خشک جبکہ پہا ڑی علا قوں میں سرد رہے گا تاہم گلگت بلتستان، کشمیر اور ملحقہ پہا ڑی علا قوں میں چند مقا مات پر تیز ہواؤں اور گرج چمک کے ساتھ بارش کا امکان ہے۔

کراچی کا موسم بدل گیا۔ صبح صبح سرد ہوائیں چلنے لگیں اور درجہ حرارت بھی گر گیا

کراچی کا موسم کیسا رہےگا؟

کراچی میں صبح کے وقت درجہ حرارت 22 ڈگری سینٹی گریڈ ریکارڈ کیا گیا ہے۔

محکمہ مو سمیات کے مطابق آج زیادہ سے زیادہ درجہ حرارت 32 ڈگری سینٹی گریڈ تک جانے کے امکان ہے جبکہ ہوا میں نمی کا تناسب 56 فیصد ہونے کے بعد سمندری ہوائیں بحال ہوگئی ہیں۔

13 کلو میٹر بھی گھنٹے کی رفتار سے ہوائیں چل رہی ہیں۔

محکمہ موسمیات کے مطابق آج مطلع ابرآلود رہے گا لیکن بارش کا فل الحال امکان نہیں ہے۔