معاون خصوصی ڈاکٹر فردوس عاشق اعوان نے کہا ہے کہ کشمیر پاکستان کیلئے لازم ملزوم ہیں ، ہم کشمیر کے بغیر ادھورے ہیں۔

اسلام آباد میں معاون خصوصی ڈاکٹر فردوس عاشق اعوان نے شہدائے کشمیر سیمینار سے خطاب کیا جبکہ یہ سیمینار شہدائے جموں  کو خراج عقیدت پیش کرنے کے لئے منعقد ہوا۔

خطاب میں معاون خصوصی کا کہنا تھا کہ کوئی پاکستانی کشمیریوں کو دکھ او رتکلیف میں نہیں دیکھ سکتا اور کشمیریوں کو جدوجہد آزادی میں کبھی تنہا نہیں چھوڑیں گے کیونکہ مقبوضہ وادی میں نہتے اور  مظلوم کشمیری ہمارا حصہ ہیں۔

انکا کہنا تھا کہ شہدائے جموں نے اپنے خون سے داستان کشمیر لکھی ہے اور کشمیریوں کی قربانیاں کبھی رائیگاں نہیں جائیں گی اور پاکستان کشمیر کے اندر جاری خونریزی سے قطعاً لا تعلق نہیں جبکہ وزیراعظم کی کاوشوں سے دنیا بھر میں مسئلہ کشمیر اجاگر ہوا ہے۔

ڈاکٹر فردوس عاشق اعوان نے کہا ہے کہ ماضی میں کسی حکمران نے کشمیر کی آواز کو اس طرح طاقت نہیں دی لیکن وزیراعظم عمران خان کشمیریوں کے ترجمان، وکیل اور سفیر ہیں جبکہ پاکستانی حکومت عالمی فورمز پر بھارت کا سیاہ چہرہ بے نقاب کرنے میں مصروف عمل ہے۔

انہوں نے بتایا کہ مودی کا آرایس ایس سے جڑا نظریہ کشمیریوں کی   ظلم سے آواز دبانے میں مصروف ہے اور عالمی برادری کو مقبوضہ کشمیر میں انسانی حقوق کی پامالی دکھائی نہیں دے رہی