حکومتی مذاکراتی ٹیم کا ایک اور اجلاس شروع ہوگیا جبکہ اس سے قبل بھی حکومتی مزاکراتی کمیٹی کا اہم اجلاس ہو چکا ہے جس میں اپوزیشن کی تجاویز کا جائزہ لیا گیا۔

تفصیلات کے مطابق حکومتی مذاکراتی ٹیم کا ایک اوراجلاس اسپیکر اسد قیصر کی رہائش گاہ پر ہوا جس میں چوہدری پرویز الہی، پرویز خٹک، اسد قیصر ،چیئرمین سینیٹ صادق سنجرانی، نور الحق قادری بھی شریک ہوئے۔

اجلاس میں مولانا فضل الرحمن سے مذاکرات سے متعلق مشاورت کی گئی۔

واضح رہے اس سے قبل حکومتی مزاکراتی کمیٹی نے درمیانی راستے کے لئے اپوزیشن سے رابطے جاری رکھنے کا فیصلہ کیا تھا۔

یاد رہے کہ حکومتی مذاکراتی ٹیم کا اجلاس سربراہ پرویز خٹک کی زیر صدارت چیئرمین سینٹ صادق سنجرانی کی رہائش گاہ پر ہوا تھا۔

اجلاس میں کمیٹی سربراہ پرویز خٹک، صادق سنجرانی ، اسد قیصر،نور الحق قادری، اسد عمر ، قائد ایوان شبلی فراز، شفقت محمود بھی شریک ہوئے۔

اجلاس میں آئندہ کے لائحہ عمل پر غور کیا جبکہ رہبر کمیٹی کے ساتھ مزاکرات کا عمل بحال کرنے اوراپوزیشن سے دوبارہ مذاکرات کرنے یا نہ کرنے پر بھی بات چیت کی گئی تھی۔

اس موقع پر چیرمین سیںٹ صادق سنجرانی نے مذاکراتی کمیٹی میں اظہار خیال کرتے ہوئے کہا کہ ہمیں سنجیدگی سے بات چیت کرکے مولانا کے ساتھ مزاکرات کرکے مسئلے کا حل نکالنا چاہیے۔