کراچی کے علاقے صفورہ گوٹھ کے نجی اسکول میں خواتین کے واش روم میں خفیہ کیمروں کا انکشاف ہواہے۔
خواتین ٹیچرز کی جانب سے محکمہ تعلیم سندھ کو واش روم میں لگے خفیہ کیمروں کی شکایت کی گئی جس پر محکمہ تعلیم سندھ نے فوری ایکشن لیا۔
شکایت پر محکمہ تعلیم کی ویجیلنس ٹیم نے اچانک اسکول کا دورہ کیا اور دورے کے دوران خواتین واش روم سے خفیہ کیمرے بر آمد کرلیے گئے۔
خواتین واش روم سے کیمرے برآمد ہونے پر اسکول کی رجسٹریشن معطل کر دی گئی، کیمروں کو واش روم کی دیواروں میں سوئچ بورڈز کی طرح نصب کیا گیا تھا۔
ویجیلنس ٹیم نے خفیہ کیمروں سے متعلق رپورٹ محکمہ تعلیم کو جمع کروادی ہے جبکہ ویجیلنس ٹیم نے نجی اسکول مالک کے خلاف کارروائی کی بھی سفارش کی ہے۔
Advertisement
دوسری جانب محکمہ تعلیم سندھ کا اپنے ایک بیان میں کہنا ہے کہ نجی اسکول میں خفیہ کیمرے سے خواتین کی ویڈیوز بنائی جاتی تھیں۔ اسکول انتظامیہ کو شوکاز نوٹس جاری کردیا گیا ہے۔
علاوہ ازیں ترجمان سندھ حکومت و ایڈمنسٹریٹر کراچی بیرسٹر مرتضیٰ وہاب نے پریس کانفرنس کرتے ہوئے کہا کہ اسکول کے واش روم میں کیمرے لگانے اور ویڈیو بنانے والا واقعہ شرمناک ہے جس کی تحقیقات کی جارہی ہیں۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
