آرمی چیف جنرل قمر جاوید باجوہ نے کہا ہے کہ علاقائی استحکام کے لیے پرامن و خوشحال افغانستان کی اشد ضرورت ہے۔
پاک فوج کے شعبہ تعلقات عامہ (آئی ایس پی آر) کی جانب سے جاری کردہ بیان کے مطابق آرمی چیف جنرل قمر جاوید باجوہ سے چین کے سفیر نونگ رونگ کی جی ایچ کیو میں ملاقات ہوئی۔
آئی ایس پی آر کے مطابق ملاقات میں علاقائی سیکیورٹی صورتحال سمیت باہمی دلچسپی امور پر تبادلہ خیال کیا گیا گیا جبکہ افغان امن عمل، پاک چین دو طرفہ تعلقات کے مزید فروغ کے اقدامات پر بھی بات چیت کی گئی۔
آئی ایس پی آر کے مطابق نئے چینی دفاعی اتاشی میجر جنرل یانگ یانگ بھی اس موقع پر موجود تھے۔
آئی ایس پی آر کا کہنا ہے کہ چینی سفارتی حکام نے پاکستان میں سی پیک منصوبوں کے لیے محفوظ ماحول کے اقدامات پر آرمی چیف کا شکریہ ادا کیا۔
Advertisement
آئی ایس پی آر کا مزید کہنا ہے کہ آرمی چیف نے پاکستان میں چین کے نئے دفاعی اتاشی کو مبارکباد دی۔
ملاقات میں آرمی چیف جنرل قمر جاوید باجوہ نے کہا کہ علاقائی استحکام کے لیے پرامن و خوشحال افغانستان کی مشترکہ کوششوں کی اشد ضرورت ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
