او آئی سی نمائندہ خصوصی 7 نومبر کو پاکستان کا دورہ کریں گے، عاصم افتخار

اریبہ تنویر

06th Nov, 2021. 11:28 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

او آئی سی نمائندہ خصوصی 7 نومبر کو پاکستان کا دورہ کریں گے، عاصم افتخار

ترجمان دفتر خارجہ عاصم افتخار نے کہا ہے کہ او آئی سی نمائندہ خصوصی 7 نومبر کو پاکستان کا دورہ کریں گے۔

عاصم افتخار نے اپنے بیان میں کہا کہ او آئی سی نمائندہ خصوصی برائے جموں و کشمیر ایمبیسڈر یوسف الدوبے 7 سے 12 نومبر کو پاکستان کا دورہ کریں گے جس میں وہ آزاد کشمیر بھی جائیں گے جہاں وہ انسانی حقوق کی صورت حال پر بات کریں گے۔

ترجمان دفتر خارجہ کا کہنا تھا کہ ایمبیسڈر یوسف کے ہمراہ او آئی سی اسسٹنٹ سیکرٹری جنرل برائے انسانی افئیرز اور اعلیٰ سطحی وفد بھی ہو گا۔

ان کا کہنا تھا کہ او آئی سی نمائندہ خصوصی کشمیری عوام سمیت مختلف شخصیات سے ملاقاتیں کریں گے۔

ترجمان دفتر خارجہ نے یہ بھی کہا کہ او آئی سی وفد ایل او سی پر ماڈل کشمیری ویلج کا دورہ کرے گا، وفد ماڈل ویلج میں قیام پذیر ان خاندانوں سے ملاقات کرے گا جو بھارتی جارحیت کی بناء پر گھر بار چھوڑنے پر مجبور ہوئے۔

عاصم افتخار کا مزید کہنا تھا کہ ان ملاقاتوں سے وفد کو ایل او سی اور مقبوضہ کشمیر میں صورت حال کی سنگینی جانچنے کا موقع ملے گا۔