ٹی ٹوئنٹی ورلڈکپ کے سپر 12 مرحلے میں جنوبی افریقہ اور انگلینڈ کے درمیان ہونے والے میچ اہم میچ میں جنوبی افریقہ کے فاسٹ باؤلر کارگیسو راباڈا نے آخری اوور میں ہیٹ ٹرک کر کے ٹیم کو فتح سے ہمکنار کروایا۔

تفصیلات کے مطابق کارگیسو راباڈا کی ہیٹ ٹرک کے شکار بننے والوں میں انگلش ٹیم کے  کپتان اوئن مورگن، کرس ووکس اور کرس جورڈن شامل ہیں۔

واضح رہے کہ ٹی ٹوئنٹی ورلڈکپ کے سپر 12 مرحلے کے اہم میچ میں جنوبی افریقہ نے سنسنی خیز مقابلے کے بعد انگلینڈ کو 10 رنز سے شکست دے دی ہے۔

شارجہ کرکٹ اسٹیڈیم میں کھیلے گئے اس میچ میں  انگلینڈ نے ٹاس جیت کر پہلے باؤلنگ کا فیصلہ کیا۔

جنوبی افریقہ نے مقررہ 20 اوورز میں 2 وکٹوں کے نقصان پر 189 رنز بنائے۔

جنوبی افریقہ کی جانب سے رسئی ون ڈر ڈوسن  94 رنز بنا کر ناقابل شکست رہے،ایڈن مارکرم 52 رنزبنا کر ناقابل شکست رہے جبکہ ڈی کاک نے 34 رنز کی اننگ کھیلی۔

انگلینڈ کی جانب سے معین علی اور عادل رشید نے 1،1 وکٹ حاصل کی۔

جنوبی افریقہ کی جانب سے دیے گئے 190 رنز کے ہدف کے تعاقب میں  انگلینڈ ٹیم مقررہ 20 اوورز میں 8 وکٹوں کے نقصان پر 179 رنز بنا سکی۔

جنوبی افریقہ کی جانب سے کاگیسو راباڈا نے  ہیٹ ٹرک کرتے ہوئے 3 وکٹیں حاصل کیں ،تبریز شمسی  اور پریٹورئس نے 2،2 کھلاڑیوں کو اؤٹ کیا جبکہ انرچ نورٹجے نے 1 وکٹ حاصل کی۔

کاگیسو راباڈا کی  آخری اوور میں شاندار ہیٹ ٹرک کی بدولت جنوبی افریقہ نے میچ جیتا۔

رسئی ون ڈر ڈوسن   کو 94 رنز کی شاندار اننگ کھیلنے پر میچ کا بہترین کھلاڑی قرار دیا گیا۔

واضح رہے کہ گروپ 1 سے آسٹریلیا اور انگلینڈ نے سیمی فائنل کے لئے کوالیفائی کر لیا ہے۔