روایتی مارکیٹ میں پاکستانی برآمدات 32 فیصد جب کہ غیر روایتی مارکیٹ میں برآمدات میں 81 فیصد اضافہ ہوا ہے۔
وفاقی کابینہ نے اسٹرٹیجک ٹریڈ پالیسی فریم ورک2020-25 کی منظوری دے دی۔
مشیر تجارت عبدالرزاق داؤد نے اپنے ایک بیان میں کہا کہ وفاقی کابینہ نے اسٹرٹیجک ٹریڈ پالیسی فریم ورک2020-25 کی منظوری دے دی ہے، پالیسی کی منظوری سے مصنوعات اور خدمات کی تقسیم اور فروخت میں بہتری آئیگی۔
مشیر تجارت کا کہنا تھا کہ پالیسی سے جیوگرافیکل اور مصنوعات کی ڈائیورسیفکیشن ہوگی جبکہ ٹیرف ریشنلائزیشن کے ذریعے پیداواری لاگت میں کمی آئیگی۔
عبدالرزاق داؤد نے کہا کہ اسٹرٹیجک ٹریڈ پالیسی کے تحت ریجنل رابطہ کاری اور لک افریقہ پالیسی کو دیکھا جائے گا اور فری ٹریڈ معاہدات اور پری فرینشل تجارتی معاہدوں کے تحت مارکیٹ تک رسائی ممکن ہوگی۔
مشیر تجارت عبدالرزاق داؤد نے مزید کہا کہ پالیسی کے ذریعے لاجسٹکس اور ٹریکنگ کے نظام کو سہولت فراہم کی جائیگی جبکہ پالیسی کے ذریعے ٹی آئی آر معاہدے کے تحت یورپ اور روس کی منڈیوں تک اشیاء کی رسد میں آسانی ہوگی اور ان منڈیوں تک رسائی وسطی ایشیائی ریاستوں، ایران اور ترکی کے ذریعے ممکن ہوگی۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
