سابق فاسٹ بولر شعیب اختر نے کہا ہے کہ کمر کس لو لڑکوں!  تگڑے ہوجاؤ اس میچ میں زور لگانا ہے۔

پاکستانی فاسٹ بولر شعیب اختر نے سماجی رابطے کی ویب سائٹ ٹویٹرپر جاری کردہ ویڈیو بیان میں کہا ہے کہ میں نے بُری خبر سُنی ہے کہ شعیب ملک اور محمد رضوان سیمی فائنل سے پہلے بیمار ہوگئے ہیں، انشا اللہ وہ ٹھیک ہوجائیں گے۔

And the big one. PAKISTAN vs AUSTRALIA.
kamar kas lain boys, tagray ho jaayen @iMRizwanPak & @realshoaibmalik. Zor lagana hai. You'll be fine InshAllah.

Full video: https://t.co/w7RYbeixeg pic.twitter.com/7pgqaZBHZy

Advertisement

— Shoaib Akhtar (@shoaib100mph) November 10, 2021

انکا کہنا تھا کہ انکو انجیکشن ٹھوکیں، ڈرپ لگائیں مجھے یقین ہے کہ یہ سیٹ ہوکر میچ میں پرفارم کرسکیں گے، فلو انکے آڑے نہیں آئے گا۔

شعیب اختر نے کہا کہ مجھے اُمید ہے کہ شعیب ملک اور محمد رضوان دوائیاں لے رہے ہوں گے اور آرام کررہے ہوں۔

مزید کہا کہ آج کا دن پاکستان کرکٹ کے لیے بہت اہم ہے، پاکستان کی ٹی ٹوئنٹی کی ٹیم ہمیشہ سے اچھی رہی، لیکن ٹیم کی جیت ہماری قوم کی مورال کے لیے بہت اچھا ہے۔

کیونکہ ہمیں ورلڈ کپ جیتنا ہے اور ہمیں جیت کا انجیکشن لگانا ہے۔

واضح رہے کہ پاکستان اور آسٹریلیا کی ٹیمیں آج ٹی ٹوئنٹی ورلڈ کپ کے دوسرے سیمی فائنل میں مدمقابل آئیں گی، دونوں ٹیموں کے مابین میچ دبئی میں پاکستانی وقت کے مطابق شام 7 بجے کھیلا جائے گا۔