اپوزیشن نے قومی اسمبلی میں عدم اعتماد کی تحریک جمع

شہزاد علی

08th Nov, 2019. 06:27 pm
شيئر
- Font size
  - Small
  - Medium
  - Large
- Dark Mode
- Save
- Print
- 0
  Comments

آرٹیکلز

Now Reading:

اپوزیشن نے قومی اسمبلی میں عدم اعتماد کی تحریک جمع

اپوزیشن نے ڈپٹی اسپیکر کے خلاف قومی اسمبلی میں عدم اعتماد کا نوٹس جمع کرا دیا۔

تفصیلات کے مطابق نوٹس میں قاسم سوری کے خلاف آئین اور قواعد کی خلاف ورزی کے الزامات عائد کیے گئے ہیں جبکہ قاسم سوری کے خلاف نوٹس لیگی رہنما مرتضیٰ جاوید عباسی اور محسن شاہنواز رانجھا نے جمع کرایا ہے جس پر اپوزیشن جماعتوں کے رہنماؤں کے دستخط بھی موجود ہیں۔

نوٹس میں قرارداد قومی اسمبلی کے رول 12 کنڈکٹ آف بزنس 2007 کے تحت جمع کرائی گئی ہے جس میں آرٹیکل 53 کی شق 7 کے تحت ڈپٹی سپیکر کو ہٹا نےکا مطالبہ کیا گیا ہے۔

دوسری جانب ڈپٹی اسپیکر قاسم خان سوری کے خلاف تحریک عدم اعتماد پر قائد ایوان سینیٹر شبلی فراز نے ردعمل دیتے ہوئے کہا ہے کہ اپوزیشن نے پارلیمنٹ میں ہر مفاد عامہ قانون کی مخالفت کی ہے اور قاسم سوری مہارت اور اعتماد کے ساتھ ایوان کی کاروائی چلا رہے ہیں۔

سینیٹر شبلی فراز نے کہا ہے کہ ڈپٹی اسپیکر قاسم سوری کے خلاف عدم اعتماد اس بات کا ثبوت ہے کہ اپوزیشن جماعتیں بوکھلاہٹ کا شکار ہیں۔