اسلام آباد ہائیکورٹ نے الیکشن کمیشن میں نااہلی کیس پر سماعت رکوانے کی فیصل واوڈا کی درخواست خارج کردی۔

اسلام آباد ہائی کورٹ کےچیف جسٹس اطہرمن اللہ نےفیصل واوڈا کی درخواست ناقابل سماعت قراردیتے ہوئےخارج کی۔

تفصیلات کےمطابق پاکستان تحریک انصاف کے رہنما سینیٹر فیصل واوڈا کی جانب سےالیکشن کمیشن کا 12 اکتوبرکا فیصلہ چیلنج کرتے ہوئےاسلام آباد ہائی کورٹ میں درخواست دائرکی تھی جسے اسلام آباد ہائیکورٹ کے چیف جسٹس اطہرمن اللہ نے ناقابل سمات قراردے کرخارج کردیا۔

چیف جسٹس اسلام آباد ہائی کورٹ نے کہا کہ 60 روزمیں فیصل واوڈا کے خلاف درخواست آچکی تھی۔ آپ اپنی  بےگناہی ثابت کریں اگرآپ کے ہاتھ صاف ہیں تو الیکشن کمیشن کو قانون کے مطابق کارروائی کرنے دیں۔

چیف جسٹس اطہرمن اللہ نے فیصل واوڈا کے وکیل سےاستفسار کرتے ہوئے کہا کہ آپ کوالیکشن کمیشن کی کارروائی سےکیا ڈرہے؟ آپ کی درخواست ناقابل سماعت ہے اس لیےمسترد کی جاتی ہے۔

فیصل واوڈا کے وکیل نے مؤقف اختیار کیا کہ الیکشن کمیشن کامیابی کے60 روزمیں اہلیت کا فیصلہ کرسکتا ہے۔ الیکشن کمیشن کی کارروائی روک کرفیصل واوڈا کے خلاف فیصلہ غیرقانونی قراردیا جائے۔

واضح رہے کہ الیکشن کمیشن میں فیصل واوڈا کی نااہلی سےمتعلق کیس کی سماعت جاری ہے۔

فیصل واوڈا پر الزام ہےکہ انہوں نے 2018 کے عام انتخابات میں قومی اسمبلی کے انتخاب میں حصہ لینےکے لیےکاغذات نامزدگی جمع کراتے وقت جھوٹا حلف نامہ جمع کرایا اور اپنی دہری شہریت چھپائی۔