ٹی ٹوئنٹی ورلڈکپ میں  اسپورٹس مین اسپرٹ نظر انداز کرنے پر سابق بھارتی بیٹسمین گوتھم گمبھیر نے آسٹریلوی اوپنر ڈیوڈ وارنر کو تنقید کا نشانہ بنایا ہے۔

تفصیلات کے مطابق بھارتی کرکٹ ٹیم کے سابق کھلاڑی گوتھم گمبھیر نے سماجی رابطے کی ویبسائٹ ٹویٹر پر جاری اپنے بیان میں کہا کہ  ڈیوڈ وارنر نے اسپورٹس مین اسپرٹ کی دھجیاں اڑا دیں جبکہ گوتھم گمبھیر نے بھارتی اسپنر ایشون کو  کو ٹیگ کر کے ان سے سوال کیا۔

What an absolutely pathetic display of spirit of the game by Warner! #Shameful What say @ashwinravi99? pic.twitter.com/wVrssqOENW

— Gautam Gambhir (@GautamGambhir) November 11, 2021

دوسری جانب بھارتی اسپنر ایشون نے ڈیوڈ وارنر کے اس عمل پر ان کی حمایت کرتے ہوئے کہا کہ  جب آئی سی سی کے قوانین میں ایک چیز جائز ہے تو اس طرح کے عمل میں کوئی مسئلہ نہیں ہے۔

His point is that if this is right , that was right. If that was wrong , this is wrong too. Fair assessment? @plalor

— Ashwin 🇮🇳 (@ashwinravi99) November 12, 2021

واضح رہے کہ ٹی ٹوئنٹی ورلڈ کپ کے سیمی فائنل میں  محمد حفیظ کے ہاتھ سے گیند پھسلی اور دو ٹپے کھاتے ہوئے وارنر کے پاس گئی، امپائر نے گیند کو نوبال قرار دیا پھر بھی وارنر نے گیند کو چھوڑنے کے بجائے اس پر چھکا لگا دیا۔

 یاد رہے کہ گزشتہ روز ٹی ٹوئنٹی ورلڈکپ کے دوسرے سیمی فائنل میں آسٹریلیا نے سنسنی خیز مقابلے کے بعد پاکستان کو 5 وکٹوں سے شکست دی تھی۔

ٹی ٹوئنٹی ورلڈکپ کا فائنل اتوار کو آسٹریلیا اور نیوزی لینڈ کے درمیان کھیلا جائے گا۔